Avropa İttifaqının Statistika İdarəsi (Eurostat) Aİ ölkələrində minimum əmək haqqı ilə bağlı yenilənmiş məlumatları təqdim edib.
SİA-nın məlumatına görə, “Myfin.by” nəşrə diqqət çəkib.
…1 yanvar 2025-ci il tarixinə Danimarka, İtaliya, Avstriya, Finlandiya və İsveç istisna olmaqla, 27 Aİ ölkəsindən 22-də milli minimum əmək haqqı var.
Eurostatın aydınlaşdırdığı kimi, minimum əmək haqqı gəlir vergisi və sosial sığorta haqlarından əvvəlki məbləğdir.
Ən yüksək minimum əmək haqqı aşağıdakı Aİ ölkələrində qeydə alınıb:
-Lüksemburq (2638 avro),
-İrlandiya (2282),
-Hollandiya (2193),
-Almaniya (2161),
-Belçika (2070).
Fransada bu rəqəm 1802, İspaniyada 1381, Polşada 1091, Litvada 1038, Portuqaliyada 1015 olub.
2025-ci ilin yanvar ayında AB-nin 10 ölkəsində minimum əmək haqqı ayda 1000 avrodan az idi.
Xatırladaq ki, Nazirlər Şurasının 2024-cü il 10 dekabr tarixli 935 nömrəli qərarına əsasən, 2025-ci il yanvarın 1-dən Belarusda aylıq minimum əmək haqqı 726 rubl (aprelin 12-nə olan məzənnə ilə 195,68 avro) müəyyən edilib.
Əli Babayev
Bütün xəbərlər Facebook səhifəmizdə
USD
EUR
GBP
RUB