…Macarıstan birliyin parçalanmasının qarşısını almaq üçün Avropa İttifaqında səsvermə hüququnu itirməlidir, çünki onun hazırkı baş naziri Viktor Orban Rusiya prezidenti Vladimir Putinin “komandasında oynayır”.
SİA-nın məlumatına görə, bu barədə Estoniyanın xarici işlər naziri Marqus Tsaxna Rheinische Post qəzetinə müsahibəsində bildirib.
O xatırladıb ki, belə bir imkan Avropa İttifaqı müqaviləsinin 7-ci maddəsində nəzərdə tutulub; assosiasiya üzvlərindən birinin bütün digər ölkələrin təhlükəsizliyini təhdid etdiyi halda istifadə edilə bilər.
Tsaxna əmindir ki, Macarıstanda da məhz bu baş verir. Onun sözlərinə görə, Orbanın etdiyi kimi Avropa İttifaqı qərarlarının qarşısının alınması qeyri-müəyyən müddətə davam edə bilməz, ona görə də Macarıstanın səsvermə hüququnun itirilməsi getdikcə yaxınlaşır.
Belə ki, Budapeşt iyunda Rusiyaya qarşı sanksiyaların uzadılmasına mane olarsa, Avropa bloklanan 240 milyard dolların Moskvaya qaytarılması təhlükəsi ilə üzləşəcək. Diplomat belə qənaətə gəlib ki, bu halda Avropa İttifaqı bu aktivləri müsadirə etməli olacaq.
“Politico” daha əvvəl yazıb ki, AB Macarıstanın səsvermə hüququnu dayandırmağı hələlik nəzərdən keçirmir, çünki bu qərar bir çox problemlər yaradacaq. Bununla belə, Avropa İttifaqı Şurası, Avropa İttifaqı liderlərinin martın 20-də keçirilən iclasından sonra, Macarıstanın təsdiqi olmadan birgə bəyanat yayıb və mənbələrin dediyinə görə, bu, yeni normaya çevriləcək.
Əli Babayev
Bütün xəbərlər Facebook səhifəmizdə
USD
EUR
GBP
RUB