...“The Moscow Times” yazır ki, bütün Rusiya üzrə istifadəçilər Sürətli Ödəniş Sisteminin işində fasilələrlə, həmçinin “Alfa-Bank” və “T-Bank”ın onlayn xidmətlərindən istifadə problemi ilə üzləşiblər.
SİA-nın məlumatına görə, bunu rəqəmsal xidmətlərin real vaxt rejimində işinə nəzarət edən Downdetector portalının məlumatları sübut edir.
…Sürətli Ödəniş Sistemində nasazlıqlar böyük şəhərlərdə - Moskva və Sankt-Peterburqda, həmçinin Sverdlovsk, Nijni Novqorod, Tver və Çelyabinsk vilayətlərində qeydə alınıb. Qeyd edilir ki, bu, sistemdə ilk problem deyil: əvvəlki böyük nasazlıq martın 26-da qeydə alınıb.
“Alfa Bank” istifadəçiləri mobil proqrama, internet saytına daxil olmaq və bankın əsas xidmətlərinin fəaliyyətində problemlər olduğunu bildiriblər.
…“Sboy.rf” portalının məlumatına görə, Moskva vaxtı ilə saat 12:45-ə qədər müştərilərdən gələn şikayətlərin sayı 6,3 mini keçib.
Məlumatların əksəriyyəti Moskva, Sankt-Peterburq, Nijni Novqorod, Novosibirsk və Tver vilayətlərindən gəlib.
…Və bu arada T-Bank müştəriləri də oxşar problemlərlə üzləşiblər. Mobil proqramın və internet saytının işində nasazlıqlar Moskva vaxtı ilə saat 10:00-dan sonra qeydə alınmağa başlayıb. Şikayətlər Moskvadan, həmçinin Mordoviya, Bryansk, Tver və Novosibirsk vilayətlərindən daxil olub.
Bir daha xatırladaq ki, Sürətli Ödəniş Sisteminin fəaliyyəti ilə bağlı sonuncu böyük insident martın 26-da baş verib, o zaman istifadəçilər sistem vasitəsilə köçürmələr həyata keçirə bilməməkdən kütləvi şəkildə şikayət ediblər.
O zaman Sberbank, Alfa-Bank və T-Bankın müştəriləri çətinliklərlə üzləşiblər.
Roskomnadzor daha sonra bildirib ki, nasazlığın səbəbi Sürətli Ödəniş Sisteminin operatoru olan Milli Ödəniş Kartı Sisteminin (NSPK) infrastrukturunda texniki problemlər olub.
Sonra problem tez bir zamanda həll edilib.
…Yeri gəlmişkən, Sürətli Ödəniş Sistemi Rusiya Bankının mobil telefon nömrəsindən istifadə edərək müxtəlif banklardakı hesablar arasında pul köçürmələrini, alış-veriş, xidmətlər və vergiləri ödəməyə, həmçinin digər əməliyyatları həyata keçirməyə imkan verən xidmətidir.
Əli Babayev
Bütün xəbərlər Facebook səhifəmizdə
USD
EUR
GBP
RUB