...Şimali Koreya lideri Kim Çen In strateji qanadlı raketlərin sınaqdan çıxarılmasına nəzarət edib. O, həmçinin "ölkənin ən effektiv müdafiəsini təmin edəcək" nüvə silahından istifadəyə tam hazır olmaq əmrini verib.
SİA-nın xarici qaynaqlardan əldə etdiyi məlumata görə, bu barədə Reuters xəbər verir.
KİV-in məlumatına görə, Şimali Koreyada qanadlı raketlərin son sınağı “təhlükəsizlik mühitini ciddi şəkildə pozan və qarşıdurmanın genişlənməsinə töhfə verən düşmənləri” xəbərdar etmək, həmçinin “Şimali Koreyanın müxtəlif nüvə əməliyyat imkanlarının hazır olduğunu” nümayiş etdirmək məqsədi daşıyır.
...Güclü zərbə qabiliyyəti ilə təmin edilən şey, ən mükəmməl çəkindirmə və müdafiə qabiliyyətidir.
...Şimali Koreya nüvə silahlı qüvvələrinin məsul missiyası və vəzifəsi etibarlı nüvə qalxanı ilə milli suverenliyi və təhlükəsizliyi davamlı olaraq qorumaq, nüvə qüvvələrinin döyüş hazırlığını artırmaq və onlardan istifadəyə tam hazır olmaqdır, - deyə agentlik Kimdən sitat gətirir.
Qeyd edilir ki, raket buraxılışı çərşənbə günü, fevralın 26-da Koreya yarımadasının qərb sahilləri yaxınlığındakı sular üzərində həyata keçirilib.
Cənubi Koreya əsgərləri də cümə günü, fevralın 28-də bildiriblər ki, onlar Şimali Koreyanın raket buraxmağa hazırlaşdığına dair əlamətlər aşkar ediblər və bir neçə qanadlı raketi izləyirlər.
Əli Babayev
Bütün xəbərlər Facebook səhifəmizdə
USD
EUR
GBP
RUB