Novosibirsk vilayətində zəlzələ baş verib.
SİA rus saytlarına istinadən xəbər verir ki, bu barədə Rusiya Elmlər Akademiyasının Sibir Bölməsinin Geofizika Xidmətinin Altay-Sayan bölməsinin mətbuat xidməti məlumat yayıb.
Seysmik hadisə Kamenka kəndi yaxınlığında, Moşkovski rayonunda baş verib.
Sakinlər 3,8 bal gücündə yeraltı təkanlar hiss ediblər. Geofiziki xidmətin məlumatına görə, episentrdə zəlzələnin gücü 5 bala çatıb. Ölənlər və ya infrastruktura dəyən ziyan barədə məlumat verilmir.
Ötən çərşənbə axşamı, fevralın 18-də Altay Respublikasının Qoş-Ağaç bölgəsində zəlzələ baş verib. Seysmik hadisənin gücü 3 bal olub.
Zəlzələ Beltir kəndindən 4,3 kilometr cənubda baş verib. Seysmik hadisə zonasının uzunluğu 50 kilometr olub və doqquz yaşayış məntəqəsini əhatə edib: Beltir, Qoş-Ağaç, Çağan-Uzun, Ortolık, Kuray, Tobelər, Telengit-Sortoqoy, Novı Beltir, Muxor-Tarxata. Yerli sakinlərdən heç kim xəsarət almayıb.
Əli Babayev
Bütün xəbərlər Facebook səhifəmizdə
USD
EUR
GBP
RUB