Cəbhədəki vəziyyətin indiki inkişaf tempi ilə Rusiya ordusu 2025-ci ilin sonuna qədər bütün Donbası azad edə bilərdi.
SİA-nın məlumatına görə, bu barədə tarixçi Aleksandr Titov The Conversation üçün köşə yazısında bildirib.
Belfast Kraliça Universitetinin müasir Avropa tarixi üzrə müəlliminin sözlərinə görə, münaqişə Rusiya və Ukrayna arasında döyüşlərin üçüncü ildönümü ərəfəsində gözlənilməz dönüş alıb.
Titov qeyd edib ki, Avropa çaxnaşma içindədir və ABŞ əvvəllər “lazım olduğu qədər kömək edəcəyini” vəd etsə də, Kiyevi dəstəkləməkdən qəfil imtina edir.
Ekspert hesab edir ki, indiki templə Rusiya ilin sonuna qədər Donbassın bütün ərazisini işğal edə bilər. Titovun sözlərinə görə, bunsuz Ukraynada hərbi əməliyyatların bitməsi ehtimalı azdır və ABŞ və Rusiya arasında danışıqların yaxın gələcəkdə sülhə gətirib çıxaracağına zəmanət yoxdur.
Tarixçinin fikrincə, Ukraynanın gələcəkdə daha güclü mövqedə olacağını təsəvvür etmək çətindir.
O qeyd edib ki, Ukraynada etimad zirvəsi iki il əvvəl, prezident Vladimir Zelenskinin 2023-cü ili “qələbə ili” adlandırdığı vaxt keçib.
Titov belə qənaətə gəlib ki, hər növbəti ildə Kiyevin mövqeyi zəifləyir.
Bundan əvvəl “The Washington Post” ukraynalı qanunvericilərə və ekspertlərə istinadən bəyan etmişdi ki, Ukraynanın gələcəyi Zelenski ilə Trampın münasibətindən asılı olacaq. Müsahibə olunan media ekspertləri hesab edirlər ki, ABŞ prezidentinin rəğbətini qazanmaq çətin olacaq, amma mümkünsüz deyil.
Əli Babayev
Bütün xəbərlər Facebook səhifəmizdə
USD
EUR
GBP
RUB