...Silahlanma yarışı süni intellekt yarışı ilə əvəzlənib, ona görə də Rusiya yeni Stargate layihəsi ilə Trampla eyni istiqamətdə hərəkət etməlidir.
SİA rus saytlarına istinadən xəbər verir ki, bu barədə Rəqəmsal İqtisadiyyatın İnkişafı Fondunun idarə heyətinin rəhbəri German Klimenko məlumat verib.
Ekspert bildirib ki, süni intellekt sahəsində ən qabaqcıl şirkət Nvidia şirkətidir.
O, süni intellekt sistemlərini öyrətmək üçün istifadə olunan kartları istehsal edir.
…Süni intellektdə əsas xərclər aparat təminatı ilə bağlıdır. Bu baxımdan əsas diqqət məlumat mərkəzlərinin tikintisinə, optimal avadanlıqların hazırlanmasına, prosessorlar üçün xüsusi proqram təminatına yönəlib.
Ekspert belə deyib.
O, qeyd edib ki, “Microsoft” 3 gün əvvəl 80 milyard dollarlıq məlumat mərkəzi tikəcəyini açıqlamışdı. Ulduz qapısı layihəsi beş dəfə daha böyük maliyyə məbləğindən danışır.
Ekspert hesab edir ki, bu, bizim və bütün dünya üçün çağırışdır, çünki ABŞ lideri Donald Tramp sənaye inqilabında süni intellektə mərc edərək Amerikanın mövqeyini mümkün qədər yaxşılaşdırmaq qərarına gəlib.
Klimenko bildirib ki, daha əvvəl Rusiya prezidenti Vladimir Putin deyib ki, “süni intellektə sahib olan dünyanın sahibidir” və çox güman ki, Tramp bu sözləri hərfi mənada qəbul edib. Ekspert hesab edir ki, silahlanma yarışı süni intellekt yarışı ilə əvəzləndiyi üçün Rusiyanın yalnız eyni istiqamətdə inkişaf variantı var.
Əli Babayev
Bütün xəbərlər Facebook səhifəmizdə
.png "Hava gəmisi “Pansir S-1” HHM sistemi ilə vurulub")
USD
EUR
GBP
RUB
