...İsveç NATO-nun tərkibində ilk quru missiyasında Rusiyadan qorunmaq üçün Latviyaya 600 əsgər göndərib.
SİA-nın məlumatına görə, bu barədə SVT telekanalına İsveç polkovnik-leytenantı Henrik Rosdal bildirib.
Bölmələrin ötürülməsi məxfilik şəraitində dəniz yolu ilə həyata keçirilib.
Altı ay ərzində İsveç batalyonu Latviya-Rusiya sərhədində təhlükəsizliyi təmin edəcək. Missiyanın əsas məqsədi Rusiyanı cilovlamaq və NATO ölkələrinin ərazi bütövlüyünə təhlükə yarada biləcək hər hansı hərəkətin qarşısını almaqdır.
İsveç hərbçiləri sonuncu dəfə Avropada sülhməramlı missiyada 1990-cı illərdə Kosovoda əməliyyatlarda iştirak edərkən iştirak ediblər.
Daha sonra onlar Mali və Əfqanıstandakı münaqişə zonalarına göndərilib.
...Əvvəlki əməliyyatlarda biz sülhün bərqərar olması ilə məşğul idik, indi dinc ölkəyə gedirik və bizim vəzifəmiz müharibənin qarşısını almaqdır. Qoşunların yerləşdirilməsini şərh edən Cənubi Skane P7 alayının rabitəsi üzrə məsul Markus Nilsson,..biz çəkindirmə təmin etmək üçün buradayıq, deyib.
Qeyd edək ki, İsveçin NATO-ya daxil olması Rusiyanın Ukraynaya qarşı başlatdığı müharibə fonunda baş verib. Kremlin aqressiyası Finlandiyanı da alyans üzvlüyünə doğru sövq edib və NATO-nun Rusiya ilə sərhədini 1300 km ikiqat artırıb.
...Finlandiya 2023-cü ildə, İsveç isə 2024-cü ilin yazında rəsmi olaraq NATO-ya üzv olublar.
Əli Babayev
Bütün xəbərlər Facebook səhifəmizdə
USD
EUR
GBP
RUB