Böyük Britaniya və Latviyanın birgə rəhbərliyi ilə yaradılan Beynəlxalq Dron İmkanları Koalisiyası tərəfindən 45 milyon funt-sterlinqlik müqavilələr əsasında Ukraynaya 30 min dron göndəriləcək. SİA xəbər verir ki, bu qərar Böyük Britaniyanın 2025-ci ildə Ukraynaya dəstək səylərini artırması çərçivəsində elan olunub.
Bu mühüm addımı Böyük Britaniyanın müdafiə naziri Con Hili və Latviyanın müdafiə naziri Andris Spruds elan ediblər. Yeni 30 min dronun maliyyəsi Böyük Britaniya, Danimarka, Niderland, Latviya və İsveç tərəfindən təmin olunub.
Britaniya Dron İmkanları Koalisiyasının ümumi fonduna 15 milyon funt-sterliqlik töhfə verib. Fond indiyə qədər Böyük Britaniya və tərəfdaşlardan ümumilikdə 73 milyon funt sterlinq toplayıb. Bundan əlavə, müdafiə naziri təsdiqləyib ki, Böyük Britaniyanın idarə etdiyi Ukrayna Beynəlxalq Fondu artıq 1.3 milyard funt sterlinqi ötüb, bunun 500 milyon funt sterlinqi Böyük Britaniya tərəfindən təmin olunub.
Bütün xəbərlər Facebook səhifəmizdə
USD
EUR
GBP
RUB
