Almaniyanın Baden-Vürttemberq əyalətində silahlı insident olub - iki nəfər ölüb, bir nəfər xəsarət alıb
Almaniyanın Baden-Vürttemberq əyalətinin Bad Fridrixshal şəhərində ölümlə nəticələnən silahlı insident baş verib. SİA yerli mediaya istinadla xəbər verir ki, axşam saatlarında maşınqayırma şirkətinin ofisinə daxil olan maskalı şəxs odlu silahdan atəş açaraq iki nəfəri qətlə yetirib. Hücum nəticəsində bir nəfər də ağır xəsarət alıb. Ölənlərin həmin şirkətin əməkdaşları olduğu bildirilir.
Qanlı cinayəti törədən şəxs hadisə yerindən yayınıb. Polis onun tutulması üçün genişmiqyaslı əməliyyat tədbirləri həyata keçirir. Axtarış işlərinə xüsusi təyinatlı polis qüvvələri və helikopter də cəlb olunub.
Bütün xəbərlər Facebook səhifəmizdə
USD
EUR
GBP
RUB