Almaniyada güclü qar yağışı və dondurucu soyuqlar Frankfurt Hava Limanında məhdudiyyətlərə səbəb olub.
SİA xarici qaynaqlara istinadən xəbər verir ki, hava limanı sözçüsünün Almaniya mətbuatına verdiyi açıqlamaya görə, bu gün planlaşdırılan 1090 uçuşdan 120-si ləğv edilib. Eniş zolaqlarının təmizlənməsi və görüş məsafəsi ilə bağlı problemlər səbəbindən uçuşların ləğv edildiyi bildirilib.
Hava limanının rəsmi internet səhifəsində yayınlanan açıqlamada bu gün səyahət edəcək şəxslərə uçuşları ilə bağlı hava yolu şirkətləri ilə əlaqə saxlamaları və hava limanında gözləmə müddəti üçün əlavə vaxt ayırmaları tövsiyə edilib.
Almaniya Meteorologiya İdarəsi də ölkənin bir çox əyalətində buzlanma ilə bağlı xəbərdarlıq edib.
Türingen bölgəsində qar qalınlığının bəzi yerlərdə 23 santimetrə çatdığı qeyd edilib.
Xatırladaq ki, dünən də buzlanma səbəbindən Berlin Hava Limanında 30 uçuş ləğv edilmişdi.
Bütün xəbərlər Facebook səhifəmizdə
USD
EUR
GBP
RUB