Birləşmiş Millətlər Təşkilatının Qaçqınlar üzrə Ali Komissarlığı (UNHCR) Bəşər Əsəd rejiminin devrilməsindən sonra qonşu ölkələrdən 115 mindən çox suriyalının öz vətənlərinə qayıtdığını bildirib.
SİA-nın xarici qaynaqlardan əldə etdiyi məlumata görə, UNHCR suriyalı qaçqınların ölkələrinə qayıtması ilə bağlı yazılı açıqlama verib. Açıqlamada 2024-cü ilin 8 dekabrından etibarən Türkiyə, İordaniya və Livan kimi ölkələrdən 115 mindən çox insanın Suriyaya geri döndüyü qeyd edilib.
Bununla yanaşı, qeyd olunub ki, Suriyaya geri qayıdanlarla bağlı rəqəmlər ev sahibi ölkələrin ictimai bəyanatlarına, Suriyadakı miqrasiya xidmətləri ilə əlaqələrə, BMT Qaçqınlar üzrə Ali Komissarlığı və tərəfdaşlarının sərhəddə apardıqları müşahidələrə əsaslanır.
Bütün xəbərlər Facebook səhifəmizdə
USD
EUR
GBP
RUB