Almaniya xarici işlər naziri Annalena Berbok fransalı həmkarı Jan-Noel Barro ilə birlikdə Suriyanın paytaxtı Dəməşqdədir.
SİA-nın məlumatına görə, Almaniya Xarici İşlər Nazirliyindən verilən açıqlamada Almaniyanın xarici işlər naziri Annalena Berbokun Avropa İttifaqı (Aİ) adından fransalı həmkarı ilə bir günlük səfər üçün Suriyaya getdiyi qeyd edilib.
Açıqlamada Berbokun “Fransalı həmkarımla və Aİ adından bugünkü səfərim suriyalılara açıq bir mesajdır. Avropa ilə Suriya arasında, Almaniya ilə Suriya arasında yeni siyasi başlanğıc mümkündür" ifadələri yer alıb.
Fransanın xarici işlər naziri Jean-Noel Barro sosial media hesabından etdiyi paylaşımda "Biz Suriyada, suriyalıların xidmətində və regional sabitlik üçün dinc və çətin keçidi təşviq etmək istəyirik" deyib.
Bu arada, səfər barədə Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallas (Kaja Kallas) "X" hesabında yazıb.
Ali nümayəndə XİN başçılarının Aİ-ni təmsil etdiklərini vurğulayıb.
K.Kallas Suriyanın yeni rəhbərliyinə mesajlarını da qeyd edib:
"Regional aktorlarla razılaşdırılmış prinsiplərə hörmət etmək və bütün mülki şəxslərin, eləcə də azlıqların müdafiəsini təmin etmək son dərəcə vacibdir".
Bütün xəbərlər Facebook səhifəmizdə
USD
EUR
GBP
RUB