''TRT World Forum 2024'' 29-30 noyabr tarixlərində İstanbulda keçiriləcək.
SİA xəbər verir ki, TRT-nin baş direktoru Zahid Sobacı 2017-ci ildə ilk dəfə təşkil etdikləri "TRT World Forumu" ilə dünyanın diqqətinin Türkiyəyə yönələcəyini bildirib.
Dünyanı daha yaşana bilən və daha ədalətli bir yerə çevirəcək ideyaların müzakirə olunduğu bir platforma yaratmaq üçün "TRT World Forumu"nu başlatdıqlarını bildirən Z.Sobacı dünyada baş verən hadisələri tək mərkəzli media nöqteyi-nəzərindən xilas etmək üçün illərdir ortaqa qoyduqları səylərini daha geniş və daha aydın şəkildə ifadə etməyin yollarını axtardıqlarını dilə gətirib.
"TRT World Forumu"nun təkcə müzakirə platforması deyil, həm də beynəlxalq problemlərə konkret həll yollarının təklif olunduğu qarşılıqlı fəaliyyət sahəsi olduğunu vurğulayan Sobacı bunları deyib:
"Bu mənada Forumumuz qlobal miqyasda öz sahələrinin mütəxəssislərini bir araya gətirərək əməkdaşlığın təməlinin qoyulmasında rol oynayır. "TRT World Forumu" ilə müxtəlif coğrafiyalarda zülmə məruz qalanların yüksələn səslərini dinləyirik. Biz məzlumlarla yanaşı, diqqətdən kənarda qalanları da beynəlxalq gündəmdə ön plana çıxarırıq.
“TRT World Forum"u həm də prezidentimiz cənab Rəcəb Tayyib Ərdoğanın “Dünya beşdən böyükdür” bəyanatında əksini tapan və “Daha ədalətli bir dünya mümkündür” şüarı ilə gücləndirilən anlayışın ifadəsidir. Xüsusilə qeyd etmək istəyirəm ki, biz "TRT World Forumu" olaraq Prezidentimizin rəhbərliyi altında müharibənin yerinə sülhü, problemlərin yerinə həll yollarını qoyan və bütün insanların hüquqlarını qoruyan ölkəmizin bu perspektivdən aldığımız ilhamla həyata keçiririk. Beynəlxalq kompromislərə nail olmaqda və dünyanın gələcəyi ilə bağlı bütün məsələlərlə bağlı müzakirələr və ideyaların inkişafı üçün əsasların yaradılmasında mühüm rol oynayırıq".
TRT-nin baş direktoru Zahid Sobacı onu da bildirib ki, Forumda prezident Rəcəb Tayyib Ərdoğan və nazirlərin iştirakı planlaşdırılır.
Bu il foruma müxtəlif coğrafiyalardan 1500-dən çox iştirakçının və 30-dan çox ölkədən 150-yə yaxın məruzəçinin qatılacağını izah edən Z.Sobacı iki gün davam edəcək tədbirdə məruzəçilərin açıq sessiyalarda və dəyirmi masa görüşlərində mühüm məsələləri müzakirə edəcəklərini bildirib.
İqlim böhranından iqtisadiyyata, geosiyasətdən texnologiyaya, mediadan beynəlxalq hüquqa qədər gündəmdə olan mühüm məsələlərin müzakirə ediləcəyini qeyd edən Zahid Sobacı Forum çərçivəsindəki sessiyalarda keçmiş prezidentlərin iştirak edəcəyini bildirib, həmçinin müxtəlif ölkələrdən həm keçmiş, həm də indiki nazirlər, səfirlər, beynəlxalq qurum və təşkilatların rəhbərləri və nümayəndələri, qeyri-hökumət təşkilatları, insan hüquqları müdafiəçiləri və iş adamlarının da iştirak edəcəklərini vurğulayıb.
Z.Sobacı ekspertlər və akademiklər arasında keçiriləcək dəyirmi masa görüşlərində Afrikadan Avropaya, Orta Asiyadan Asiya Sakit Okeana qədər dünyanın müxtəlif yerlərində yaşanan ən mühüm sual və problemlərə cavab və həll yollarının axtarılacağını açıqlayıb.
Qəzza mövzusunun təkcə "TRT World Forumu"nda deyil, TRT-nin il ərzində təşkil etdiyi bütün tədbirlərdə və yayımlarda gündəmdə olduğuna diqqət çəkən Z.Sobacı Qəzzada davam edən soyqırımın Forumun önəmli iclaslarında müzakirə ediləcəyini də deyib.
Bütün xəbərlər Facebook səhifəmizdə
USD
EUR
GBP
RUB
