...Rusiya Seulu ağlı başına gəlməyə və Kiyevə Qərb silahlarının tədarükünü artırmaq üçün Vaşinqtonun təhlükəli avantüralarına çəkilməməyə çağırıb
SİA-nın məlumatına görə, bunu Rusiya Federasiyasının BMT-dəki daimi nümayəndəsinin müavini Anna Evstiqneyeva bildirib.
O qeyd edib ki, belə bir qərar Cənubi Koreya üçün yaxşı heç nə vəd etmir.
Evstiqneyeva xüsusilə Cənubi Koreya tədqiqatlarına diqqət çəkib, buradan belə çıxır ki, ölkə əhalisinin əmin əksəriyyəti Ukraynaya silah göndərilməsini dəstəkləmir.
O, həmçinin Rusiyanın Seuldakı çoxdankı dostları və tərəfdaşlarının Vaşinqtonun təzyiqi altında öz milli maraqlarını riskə ataraq müstəqilliklərini sürətlə itirməyə başlamalarından təəssüfləndiyini bildirib.
...Öz növbəsində Koreya Respublikasının Xarici İşlər Nazirliyinin rəhbəri Ço Tae Yeol Seulun Kiyevə silah tədarükünün Şimali Koreya və Rusiya arasında əməkdaşlığın inkişafından asılı olacağını bildirib. O qeyd edib ki, ölkə Moskva ilə Pxenyan arasında münasibətlərin inkişafını, o cümlədən Ukrayna münaqişəsində hərbi yardım müqabilində Şimali Koreyanın Rusiya Federasiyasından nə alacağını diqqətlə izləyir.
Bundan əvvəl Cənubi Koreya Müdafiə Nazirliyinin rəhbəri Kim Yonq-hyun da Moskva və Pxenyan arasında hərbi əməkdaşlıq vasitəsilə Seul üçün artan təhlükədən danışıb. Bununla belə, o, ölkələr arasında münasibətləri şişirtməməyə çağırıb.
Əli Babayev
Bütün xəbərlər Facebook səhifəmizdə
USD
EUR
GBP
RUB
