"Netflix"in ən çox izlənilən seriallarından olan və yayımlandıqdan sonra bütün dünyada müzakirələrə səbəb olan "Squid Game" serialının ikinci sezonu böyük fasilədən sonra geri dönür. SİA xarici KİV-ə istinadən xəbər verir ki, "Netflix" tərəfindən yayımlanan ilk treylerdə, ilk sezonda ölümcül uşaq oyunlarından sağ çıxan aktyor Lee Jung-jae-nin canlandırdığı Seong Gi-hun obrazının üç ildən sonra 456 nömrəli oyunçu olaraq geri döndüyü və yüzlərlə oyunçuya qoşulduğu görülür.
2021-ci ildə yayımlanan Cənubi Koreya serialının ilk mövsümündə ümidsizliyə və borca düşmüş 456 nəfərlik bir qrup böyük pul mükafatı üçün ölümünə mübarizə aparırdı. Bu mövsüm Gi-hun yeni oyunçulara təhlükəsiz çıxış yolu göstərməyə çalışacaq. Serial ilk 28 gündə 111 milyon insan tərəfindən izlənilib və bu, yayımlandıqdan sonra "Netflix"in ən çox baxılan serialı olub. İlk mövsümdə Gi-hun oyunu çətinliklə başa vuraraq sağ qalmağı bacardı. Treylerdə oyunların yenidən "Qırmızı İşıq Yaşıl İşıq"la başladığı görünür. İlk mövsümdə olduğu kimi, oyunçuların oyunu dayandırmaq və ya davam etdirmək üçün səs vermək hüququ var.
Bütün xəbərlər Facebook səhifəmizdə
USD
EUR
GBP
RUB