Əcnəbilərin kompüter şəbəkələrinə sızmasının qarşısını almaqdan məsul olan Kanadanın kibermüdafiə agentliyi öz hesabatında Hindistanı ilk dəfə olaraq “kibertəhlükə” olaraq təyin edib. SİA xarici KİV-ə istinadən xəbər verir ki, Kanada Kibertəhlükəsizlik Mərkəzi ölkədə qurumların və vətəndaşların üzləşdiyi “kibertəhlükələrə” toxunan “Milli Kiber Təhlükələrin Qiymətləndirilməsi” adlı hesabatını dərc edib.
Hindistanı ilk dəfə olaraq “kibertəhdid” olaraq təyin edən hesabatda Hindistanın Kanada hökumət şəbəkələrinə casusluq etmək məqsədilə kiber fəaliyyətlər həyata keçirdiyi iddia edilib. İki ildən bir dərc edilən hesabatda Hindistan və Kanada arasındakı münasibətlərin pisləşməyə davam etdiyi üçün Hindistanın kiber təhdidlərinin artacağı vurğulanıb. Hesabatda Çin, Şimali Koreya, İran və Rusiyanın da Kanadaya qarşı “kibertəhdidlər” etdiyi ifadə edilərək, Çinin kiber hücumlarının “rakipsiz” olduğu və Kanadanın kiber təhlükəsizliyi üçün “ən böyük təhdid” olaraq görüldüyü qeyd edilib. Hesabatda Çinin kiberhücumlarının iqtisadi və hərbi sahədə üstünlük təmin edəcək məlumat toplamaq məqsədi daşıdığı vurğulanıb.
Bütün xəbərlər Facebook səhifəmizdə
USD
EUR
GBP
RUB