...Rusiyada pərakəndə və ictimai iaşə sektorlarında kiçik işçilərə tələbat demək olar ki, iki dəfə artıb. SİA-nın əldə etdiyi məlumata görə, bu barədə “Kommersant” nəşri yazır. Bu, böyük kadr çatışmazlığı və miqrantlara qarşı qanunlar fonunda baş verir.
…“Mühüm hekayələr”ə (“Vajnıx istoriy”) görə, təkcə 2024-cü ilin birinci yarısında Rusiyadan 2022-ci ildəkindən daha çox miqrant qovulub. Jurnalistlərin fikrincə, dekabrın sonuna qədər bu rəqəm 2023-cü ilin göstəricisini keçə bilər.
86 min qovulma protokolu demək olar ki, hər gün 470 qovulmuş miqrant deməkdir.
…Heç bir dinləmə yoxdur. İnsanlar təqsirli və ya təqsirsizliyi ilə bağlı heç bir sübut təqdim edə bilmirlər. İnsanlar şahid çağıra bilməz, sənədlər təqdim edə bilməz. İnsanlar məhkəmədə heç nə edə bilməzlər! Ən yaxşı halda onlara deportasiya qərarı oxunur. Ən pis halda isə vermirlər. Onları məhkəməyə belə gətirmirlər. Onların iş yerlərinə yerli bir polis əməkdaşı gəlir, pasportları götürür, səhəri gün qayıdır və deyir ki, hamı qovulub. Və indi də Rusiyada rekord sayda kadr çatışmazlığı yaşanır.
…“Kommersant”ın jurnalistlərinin yazdığına görə, pərakəndə və ictimai iaşə müəssisələrində azyaşlı işçilərə tələbat iki dəfə artıb.
Əvvəllər, nəşrin həmsöhbətlərinin qeyd etdiyi kimi, yeniyetmələrin işə götürülməsi yüksək əməliyyat xərcləri və onların qısa müddətə işləməsi səbəbindən populyar deyildi. İndi yeniyetmə işçilərə tələbat var. İşçi qüvvəsinin çatışmazlığı əmək miqrantlarının sayının azalması, ilə bağlıdır.
Maraqlıdır ki, işçi çatışmazlığına baxmayaraq, hakimiyyət antimiqrant siyasətini hələ də davam etdirir və hətta televiziyada miqrantları Rusiyanın düşməni adlandırırlar. Regionlarda miqrantların işinə məhdudiyyətlər qoyulur. Agentliyin jurnalistləri əvvəllər belə tədbirlərin Rusiya regionlarının üçdə birində, eləcə də ilhaq edilmiş Krımda tətbiq edildiyini hesab edirdilər. Əksər hallarda miqrantlara taksilərdə işləmək qadağandır.
...Və bu bu məhdudiyyətlər fonunda Mərkəzi Asiya ölkələrindən bir çox miqrantlar indi Rusiyaya deyil, məsələn, Avropa ölkələrinə üz tuturlar.
...Budur, onlardan biri, Conibek Latipov 23 il Rusiyada yaşayıb, işləsə də, daimi təzyiqlərə görə oranı tərk etmək qərarına gəlib. Latipov hazırda Fransada yük maşını sürür: ...Düzünü desəm, o vaxtlar az adam Avropada işləməyə cəsarət edirdi. Amma qonşum məni həvəsləndirdi. Bura gələndən sonra planım qadağa vaxtını gözləmək və yenidən Rusiyaya qayıtmaq idi. Amma indi seçimimə peşman deyiləm. Rusiyada rusların miqrantlarla necə rəftar etdiklərini xatırlayanda adam lap insanlığına xəcalət çəkir.
Yeri gəlmişkən, gələn il Rusiya polisin səlahiyyətlərini genişləndirəcək və miqrantların məhkəmə qərarı olmadan ölkədən çıxarılmasına icazə verəcək.
...Martın 5-dən etibarən insanları xırda xuliqanlığa görə ölkədən çıxarmaq mümkün olacaq. Rus polisinə verilən səlahiyyətə görə, onlar miqranta istədiyi iradı bildirib onu cərimələyə bilər. Məsələn, rus polisi məscidə girib namaz qılan müsəlmanları əllərini yelləməkdə ittiham edib 500 rubl müqabilində “buraxa bilər”.
Hüquq müdafiəçisi Valentina Çupikə görə, bunlar hələ jurnaldır və əsil kino martın 5-dən sonra başlayacaq. Çupikin iddasına görə, ən böyük problem odur ki, siz heç nə sübut edə bilməyəcəksiniz. Çünki bura Rusiyadır.
Yuxarıda da qeyd etdiyimiz kimi, hazırda Rusiya səlahiyyətliləri işsizliyin rekord səviyyədə olduğunu bildirirlər, iqtisadçılar isə bunu heç də həmişə yaxşı göstərici olmadığını deyirlər.
...İndi Rusiyada aşağı işsizlik işçi çatışmazlığı üçün evfemizmdir, yəni 2023-cü ilə qədər işçi çatışmazlığı üçün evfemizm idi, sonra demoqrafik fəlakət üçün evfemizmə çevrildi.
Bunu iqtisadi şərhçi və publisist Maksim Blunt deyir.
...Və Ali İqtisadiyyat Məktəbinin demoqraflarının fikrincə, əhalinin sayını 146 milyon nəfərdə saxlamaq və iqtisadi artımı təmin etmək üçün Rusiya hər il 390 mindən bir milyona qədər miqrant cəlb etməlidir. Rusiya Elmlər Akademiyasının İqtisadiyyat İnstitutu kadr çatışmazlığını 5 milyon nəfər kimi qiymətləndirir - bu, tarixi minimumdur.
Əli Babayev
Bütün xəbərlər Facebook səhifəmizdə
USD
EUR
GBP
RUB