...Bu arada ehtiyatda olan general-mayor, Ukrayna Təhlükəsizlik Xidmətinin keçmiş sədr müavini Viktor Yaqun, Ukraynanın həqiqətən də öz nüvə silahını yaratmağa başlayacağı təqdirdə Rusiyanın özünü necə aparacağı barədə fikirlərini bölüşüb.
Deməli, SİA bu barədə Belarus saytlarına istinad edir.
...Əvvəla qeyd edək ki, bir müddət bundan əvvəl Rusiya Federasiyasının Dövlət Duması, Ukrayna tərəfinin bu məsələ ilə bağlı dediklərini blef adlandırmışdı. Rus deputatların fikrincə, guya bu mümkün deyil, Ukraynanın nüvə silahı yaratmağa nə vəsaiti, nə də texniki imkanları yoxdur.
Ukraynalı hərbçiyə görə, əslində ruslar tərəfindən göstərilən bu reaksiya qorxu əlamətidir.
Yaqun qeyd edir ki, Rusiya qorxur, çünki onlar başa düşürlər: Ukraynada alimlər, inkişaflar, hətta təlim reaktoru da var.
...O vaxt bizim üç təlim reaktorumuz var idi: Sevastopolda, Xarkovda və Kiyevdə. Hazırda Kiyev reaktoru işləyir. Mənim fikrim odur ki, Ukrayna faktiki olaraq nüvə silahı yaratmaq imkanlarına malikdir. Əslində Rusiya da bunu başa düşür. Bəli, biz heç bir irəliləyiş etməyəcəyik, yəni Çinlə birlikdə Rusiyaya çatmayacağıq. Amma biz asanlıqla bir növ nüvə “wunderwaffle” (...İkinci Dünya Müharibəsi zamanı Alman Təbliğat Nazirliyi tərəfindən işlənmiş termindir - A.B.) hazırlayıb və əgər bizi qıcıqlandırsalar, onu harasa göndərəcəyik...
Yeri gəlmişkən, Yaqun bunun Rusiyanı müharibəni bitirməyə məcbur edib-etməyəcəyinə də cavab verib.
...Rusiya öz daxilində nəsə baş verməsə, müharibəni dayandıra bilməz. Birinci Dünya Müharibəsinin təcrübəsini xatırlayın: o zaman Rusiyaya nə oldu - heç nə, çar hökuməti ilə birlikdə sadəcə yox oldu. Əks halda, bu, Rusiyanın hərəkətlərində heç nəyi dəyişməyəcək. Bununla belə, Rusiyanın qorxması artıq əhəmiyyətlidir. Bundan əlavə, o, çox qorxur ki, Qərb Kiyevin bu cür ritorikasına cavab olaraq, qələbəyə qədər müharibədə lazımi şəkildə kömək etməyə başlayacaq.
Bunlar da Viktor Yaqunun fikirləridir.
Əli Babayev
Bütün xəbərlər Facebook səhifəmizdə
USD
EUR
GBP
RUB
