Gürcüstan prezidenti Salome Zurabişvili Tbilisidə müxalifətin parlament seçkiləri ərəfəsində keçirdiyi mitinqə qatılıb.
SİA xəbər verir ki, bu barədə TASS-ın müxbiri hadisə yerindən məlumat verib.
Zurabişvili mitinqin təşkilatçılarının çıxış etdiyi səhnənin yanında dayanıb. O, mediaya açıqlama verməyib. Gürcüstanda müxalifət tərəfdarları parlament seçkilərinə bir həftə qalmış Tbilisidə ölkənin Avropa İttifaqına inteqrasiyasını dəstəkləyən yürüş keçirib.
Gürcüstan və Avropa İttifaqının bayraqları daşıyan bir neçə min paytaxt sakini Tbilisinin beş müxtəlif rayonundan “Gürcüstan Avropa İttifaqını seçir” başlığı altında yürüş keçirib.
Yürüşdən sonra etirazçılar musiqi konsertinin keçirildiyi şəhərin mərkəzindəki Azadlıq meydanına toplaşıblar.
Qeyd edək ki, oktyabrın 26-da Gürcüstanda parlament seçkiləri keçiriləcək. Seçkidə ən çox səs toplayan partiya qalib elan edilir və parlamentə baş nazirliyə namizəd təqdim edəcək, o da öz növbəsində kabinetini təqdim edəcək. Müxalifət parlamentdə ümumilikdə 50 faizdən çox yerə sahib olarsa, hökumətin formalaşmasına təsir göstərə biləcək. Gürcüstan prezidenti və müxalifət qarşıdan gələn səsverməni Avropa ilə Rusiya arasında seçim kimi dəyərləndirirlər. Hakim Gürcü Arzusu - Demokratik Gürcüstan partiyasının əsas povesti ondan ibarətdir ki, vətəndaşlar müharibə və sülh arasında seçim etməlidirlər.
“Gürcü Arzusu” liderlərinin fikrincə, müxalifət hakimiyyətə gələcəyi təqdirdə ölkədə Rusiya Federasiyası ilə qarşıdurmanın ikinci cəbhəsi açmaq istəyir.
Əli Babayev
Bütün xəbərlər Facebook səhifəmizdə
USD
EUR
GBP
RUB