...Bu arada Rosselxoznadzor Qazaxıstandan pomidor, bibər, təzə bostan məhsulları, buğda, kətan toxumu və mərcimək idxalına məhdudiyyətlər qoyub. İdarədən bildirilib ki, bu qərar “fitosanitar təhlükəsizliyi” təmin etmək məqsədilə qəbul edilib.
Rusların iddiasına görə, 2024-cü ilin əvvəlindən bu məhsulların “karantin obyektləri” ilə çirklənməsinin 215 halı müəyyən edilib – bunlara həşəratlar, patogenlər və ya parazitar bitkilər daxildir.
Tənzimləyici qeyd edib ki, bu rəqəm 2023-cü ilin analoji dövrünün dəyərindən 4 dəfə çoxdur.
SİA-nın əldə etdiyi məlumata görə, bunu “The Moscow Times” xəbər verir.
Rosselxoznadzor əlavə edib ki, guya o, Qazaxıstan tərəfini bütün pozuntu halları barədə məlumatlandırıb, həmçinin Avrasiya İqtisadi İttifaqının qanunvericiliyinin tələblərinə əməl olunması üçün tədbirlər görülməsini xahiş edib.
...Lakin buna baxmayaraq, respublika çirklənmiş məhsullara sertifikatların verilməsini davam etdirib?
Rusiya tərəfi onu da qeyd edib ki, Qazaxıstan karantin obyektlərinin müəyyən edilməsi ilə bağlı araşdırmanın nəticələrini təqdim etməyib.
O da qeyd edilir ki, ruslar buğda, kətan toxumu və mərcimənin tranzitinə məhdudiyyət qoymayacaqlar. Lakin bunun üçün Qazaxıstan fitosanitar sertifikatlarını birbaşa son təyinat ölkəsinə verməli və taxılı dəmiryol vaqonlarından birbaşa gəmilərin ambarlarına daşımalı olacaq.
...Əslində qadağa Qazaxıstan prezidenti Kasım-Jomart Tokayevin BRİKS-ə qoşulmaqdan imtina etməsi ilə bağlı məlumat fonunda tətbiq edilib.
Onun müşaviri və mətbuat katibi Berik Uali bir gün əvvəl bildirib ki, dövlət başçısı belə bir təklif alıb və bunu “milli maraqlar” nöqteyi-nəzərindən nəzərdən keçirib, lakin yenə də üzvlük üçün müraciət etməkdən çəkinmək qərarına gəlib.
Onun sözlərinə görə, hələlik Tokayev BMT-yə “bütün aktual beynəlxalq problemlərin müzakirə oluna biləcəyi və müzakirə edilməli olduğu universal və mübahisəsiz təşkilat kimi” prioritet verir.
...Və yeri gəlmişkən, Tokayev daha əvvəl Avrasiya İqtisadi İttifaqındakı vəziyyətlə bağlı narazılığını bildirərək qeyd edib ki, ittifaq faktiki olaraq iki hissəyə bölünüb: Rusiya və Belarus vahid siyasi, hərbi və iqtisadi məkan yaradıblar, qalan üzv ölkələr isə “bir müxtəlif səviyyəli inteqrasiyadır”...
...Qeyd edilməlidir ki, Ukraynada müharibə başlayandan sonra Qazaxıstan Moskvaya qarşı sanksiyalar tətbiq etməyib və Qərbin qoyduğu məhdudiyyətlərə əməl edəcəyinə söz verib. Belə ki, respublika hakimiyyət orqanları Avrasiya İqtisadi İttifaqı sərhədindən malların daşınmasına nəzarəti gücləndirib və Rusiya Federasiyasına 100-dən çox növ sanksiya tətbiq edilən məhsulların ixracına qadağa qoyub.
Əli Babayev
Bütün xəbərlər Facebook səhifəmizdə
USD
EUR
GBP
RUB