İran prezidenti Məsud Pezeşkiyan regionda sülh və sabitliyin təmin edilməsi üçün irəli sürülən hər bir təklifi dəstəkləyəcəklərini bildirib. O, Fransa prezidenti Emmanuel Makronla telefon əlaqəsi saxlayaraq, bölgədəki son hadisələri və "Hizbullah" ilə İsrail arasındakı qarşıdurmaların dayandırılması üçün həll yollarını müzakirə edib. SİA bu barədə Türkiyə saytlarına istinad edir.
İranın hər zaman müharibə və iğtişaşlardan uzaq təhlükəsiz bölgə istədiyini vurğulayan Pezeşkiyan atəşkəs və münaqişələrin dayandırılmasını dəstəklədiklərini bildirib. Məsud Pezeşkiyan deyib:“Biz, ''Həmas'' Siyasi Bürosunun rəhbəri İsmayıl Haniyənin Tehranda öldürülməsindən sonra belə günahsız insanların öldürülməsinin qarşısını almaq ümidi ilə Qərb dövlətlərinin rəhbərlərinin atəşkəs vədinə etibar edərək bu hücuma reaksiya vermədik. Lakin sionistlər Qəzza və Livandakı hücumlarını intensivləşdirərək bəşəri dəyərlərə və beynəlxalq hüquqa sadiq olmadıqlarını nümayiş etdirdilər".
Məsud Pezeşkiyan Fransa prezidenti və digər Avropa ölkələrinin liderlərindən İsrailin Qəzza və Livanda törətdiyi hücumları dayandırmaq üçün səylərini davam etdirmələrini istəyib. O, Fransa hökumətinin İsrailin Livandakı hücumlarını pisləməsini və Təl-Əviv rəhbərliyinə silah tədarükünü dayandırmasını müsbət bir addım kimi qiymətləndirib.
Bütün xəbərlər Facebook səhifəmizdə
USD
EUR
GBP
RUB