...Rusların öz etiraflarına görə,...kədərlidir, amma həqiqətdir: ruslar yenə azala-azala gedir...
SİA rus saytlarına istinadən xəbər verir ki, Rosstatın məlumatına görə, 2024-cü il avqustun 1-nə ölkə əhalisinin sayı 145,9 milyon nəfər olub ki, bu da ilin əvvəli ilə müqayisədə 288,1 min nəfər azdır.
Ümumiyyətlə, Rusiyada 2024-cü ilin yanvar-iyul aylarında ölənlərin sayı doğulanların sayını 1,5 dəfə üstələyib; 59 regionda bu artım 1,5-2,7 dəfə olub. Miqrasiya artımı təbii azalmanı cəmi 20,8 faiz kompensasiya edib.
...2024-cü il avqustun 1-nə Sankt-Peterburq sakinlərinin sayı, Petrostatın ilkin hesablamalarına görə, 5 milyon 594,9 min nəfər qiymətləndirilir - bu, ilin əvvəli ilə müqayisədə 2,9 min nəfər azdır.
Şimal paytaxtının əhalisinin azalmasına səbəb təbii azalma olub və bu, miqrasiya artımı hesabına 69 faiz kompensasiya edilib.
Eyni dövrdə Leninqrad vilayətində 2044,1 min nəfər daimi yaşayıb ki, bu da yanvarın əvvəli ilə müqayisədə 8,3 min nəfər çoxdur. Burada isə miqrasiya artımı təbii azalmanı tamamilə kompensasiya edib.
Qeyd etmək lazımdır ki, Rusiya demoqrafik problemlərdə tək deyil. BMT-nin yenilənmiş hesablamalarına görə, 2100-cü ildə dünya əhalisi on il əvvəl təxmin ediləndən 700 milyon nəfər az olacaq.
BMT Baş Katibinin İqtisadi və Sosial Məsələlər üzrə müavini Li Junhua-nın sözlərinə görə, bəzi ölkələrdə doğum səviyyəsi indi gözləniləndən də aşağıdır və biz həmçinin yüksək məhsuldarlığa malik bəzi regionlarda daha sürətli azalmaların şahidi oluruq.
Ümumdünya Təşkilatının ekspertlərinin hesablamalarına görə, Çin, Almaniya, Yaponiya və Rusiya Federasiyası da daxil olmaqla, 63 ölkə və ərazi əhalisinin sayı artıq 2024-cü ildə pik həddinə çatıb.
Növbəti otuz il ərzində onun 14 faiz azala biləcəyi proqnozlaşdırılır.
Bundan əlavə, demoqraflar hesab edirlər ki, 2070-ci illərin sonunda 65 və daha yuxarı yaşda olan insanların sayı 18 yaşına çatmamış uşaqların sayından çox olacaq.
2030-cu illərin ortalarına qədər isə 80 və daha yuxarı yaşda olan insanların sayı 1 yaşa qədər olan körpələrin sayını üstələyəcək.
Əli Babayev
Bütün xəbərlər Facebook səhifəmizdə
USD
EUR
GBP
RUB