...İsrailin kəşfiyyat xidməti “Mossad” hələ 2015-ci ildən bəri Livanın radikal “Hizbullah” qruplaşmasının bubi tələyə düşmüş peycerlərinə və radiolarına sızmaq üçün əməliyyat keçirirdi.
SİA-nın əldə etdiyi məlumata görə, bu barədə “Washington Post” ABŞ, İsrail və Yaxın Şərqdəki mənbələrə istinadən yazır.
Nəşrin həmsöhbətləri qeyd ediblər ki, qurğularda nəhəng batareyalar, gizli partlayıcı maddələr və qrup üzvlərini dinləmək üçün sistem olub. Mənbələrə görə, “Mossad” cihazları əvvəllər partladıla bilərdi, lakin yeni, daha yığcam cihazlar hazırlamaq qərarı verildi.
...Radiolar İsrail kəşfiyyatına 9 il ərzində “Hizbullah”ın danışıqlarını dinləməyə imkan verib. Ehtimal olunurdu ki, onlar böhran vəziyyətində partlaya bilərlər.
Nəşr yazır ki, sonra isə yeni imkan və yeni məhsul – güclü partlayıcılarla təchiz edilmiş kiçik peycer yaranıb.
Qəzetin mənbələrinə görə, ideya 2022-ci ildə yaranıb. Partlayış üçün istehsalçısı İsraillə heç bir əlaqəsi olmayan “Tayvan Apollo” peycerlərindən istifadə etmək qərarına gəliblər. İstehsalının üçüncü tərəfə ötürüldüyü iddia edilən qurğular əslində “Mossad”-ın nəzarəti altında İsraildə yığılıb.
Lakin Gold Apollo istehsal şirkəti bundan xəbərsiz olub.
Bunu “The Washington Post” yazır.
Az miqdarda partlayıcı maddə batareya paketində gizlədilib və onları aşkar etmək mümkün olmayıb. İsrail mənbələri hesab edir ki, “Hizbullah” peycerləri bir neçə cihazı sökərək sınaqdan keçirib və bəlkə də onları rentgen şüaları ilə işıqlandırıb.
Və belə görünür ki, qrupun nümayəndələri partlayıcıları tapa bilməyiblər. Onlar həmçinin “Mossad”-ın cihazlara uzaqdan girişi olduğunu açıqlamayıblar. Nəticədə “Hizbullah” beş minə yaxın peycer alıb.
2024-cü ilin fevralında orta səviyyəli döyüşçülər onları qəbul etməyə başlayıblar.
Bundan əlavə, “Mossad” bubi tələyə düşmüş peycerdə təhlükəsiz mesajlara baxmaq üçün lazım olan xüsusi iki addımlı şifrənin açılması prosedurunu işləyib hazırlayıb. Mesajı oxumaq üçün iki düyməni sıxmaq lazım idi. Bu o deməkdir ki, iki əl istifadə edilməlidir.
Bir mənbə bildirib ki, partlayış nəticəsində istifadəçilərin hər iki qolundan xəsarətlər yaranacaq. Bundan əlavə, peycer “Mossad” agentləri tərəfindən cihaza göndərilən elektron siqnaldan partlaya bilər.
... Sentyabr ayında “Hizbullah” üzvlərinin daxili şifrəli mesajları ötürmək üçün istifadə etdiyi rabitə cihazlarında eyni vaxtda partlayışlar baş verib.
Livan Səhiyyə Nazirliyinin məlumatına görə, partlayışlar nəticəsində bir neçə uşaq da daxil olmaqla ən azı 37 nəfər həlak olub, çoxu təsadüfi mülki şəxslər olmaqla daha üç min nəfər yaralanıb.
Əli Babayev
Bütün xəbərlər Facebook səhifəmizdə
USD
EUR
GBP
RUB