...Səudiyyə Ərəbistanı neft hasilatını artırarsa, Rusiya müharibə iqtisadiyyatı üçün vəsait çatışmazlığı ilə üzləşə bilər. Ər-Riyad qiymətləri hazırkı 70 dollardan 100 dollar/barelə qaldırmaq üçün tədarükün azaldılmasında ölkələr arasında koordinasiyanın olmamasından narazıdır.
SİA xarici qaynaqlara istinadən xəbər verir ki, bu barədə “Politico” məlumat yayıb.
Səudiyyə Ərəbistanı qiymətlərin düşməsinə baxmayaraq, bazar payını ələ keçirmək üçün ixracı artırmağı planlaşdırır. Ekspertlər xəbərdarlıq edirlər ki, belə bir strategiya daha çox neft gəlirlərinə arxalanan Rusiya iqtisadiyyatına zərbə vuracaq.
Rusiyalı enerji analitiki Mixail Krutixin hesab edir ki, bu addım Rusiya büdcəsi üçün “böyük risk” yaradır.
İqtisadçı Aleksandra Prokopenko isə deyir ki, qiymətlər 20 dollar düşərsə, bu, Rusiyanın gəlirini 1,8 trilyon rubl azalda bilər ki, bu da ÜDM-in 1 faizini təşkil edir.
Aşağı neft tələbi və Rusiyanın hasilat kvotasının pozulması fonunda Səudiyyə Ərəbistanı bazarda dominantlığını gücləndirmək üçün taktikasını dəyişməyi düşünür.
Qeyd edilir ki, Səudiyyə Ərəbistanı neft hasilatını artırmağa hazırdır və yüksək qiymətlərdən daha çox bazar payı axtaracağını xəbərdar edir. Rusiya, Qazaxıstan və İraq kimi digər ölkələr OPEC+ ilə razılaşdırılmış kvotaları aşmaqda ittiham olunur.
Onu da qeyd edək ki, Moskva hasilatı azaltmaq vədlərinə baxmayaraq, öz kvotasından artıq neft hasil etməkdə davam edir. Rusiyanın yanacaq satışından qazancı sanksiyalara baxmayaraq, ilin birinci yarısında 41 faiz artıb.
Yeri gəlmişkən, Kreml məhdudiyyətlərdən yan keçmək üçün “kölgə donanmasından” istifadə edir, Ukrayna ilə müharibəni dəstəkləməklə milyardlar qazanır.
Amma…Səudiyyə Ərəbistanı qiymətləri aşağı salsa belə, Rusiya çətin ki, hərbi əməliyyatlarını dayandırsın.
Əli Babayev
Bütün xəbərlər Facebook səhifəmizdə
USD
EUR
GBP
RUB
