Yaponiyada hakim Liberal Demokrat Partiyasının (LDP) yeni lideri İşiba Şiqeru Nümayəndələr Palatasında keçirilən növbədənkənar sessiyada ölkənin baş naziri seçilib. SİA xarici KİV-ə istinadən xəbər verir ki, Yaponiya parlamentinin aşağı palatası olan Nümayəndələr Palatasında keçirilən sessiyada parlament üzvləri ölkənin yeni baş nazirinin seçilməsinə səs veriblər.
İşiba Şiqeru, partiyası LDP və ortağı Komeitonun üstünlük təşkil etdiyi 465 yerlik Şuuqində 291 “hə” səsini toplayaraq Yaponiyanın 102-ci baş naziri oldu. LDP-nin ötən həftə keçirilən sədr seçkilərində ikisi qadın olmaqla 9 namizəd iştirak edib. 1970-ci illərdən bəri LDP-də ən çox namizəd olması diqqət çəkib. Seçkilərin ikinci turunda İşiba qadın rəqibi Takaiçi Sanaeni məğlub edərək yeni LDP lideri seçildi.
Yeni kabinetini açıqlamağa hazırlaşan İşiba, İmperator Sarayında keçiriləcək mərasimlə vəzifəsinin icrasına başlayacaq. İşibanın oktyabrın 27-də keçirilməsi planlaşdırılan növbədənkənar ümumi seçkilərə qədər vəzifəsini davam etdirəcəyi gözlənilir.
Bütün xəbərlər Facebook səhifəmizdə
USD
EUR
GBP
RUB
