...Əgər Qərbin dəstəyi davamlı olarsa, səfərbərliyə, müdafiə sənayesinin genişləndirilməsinə və istehkamların qurulmasına diqqət artırılarsa, bu vaxt Ukrayna nəinki öz mövqeyini qoruyub saxlaya biləcək, həm də 2025-ci ildə əks-hücumlar üçün şərait yarada biləcək.
SİA-nın əldə etdiyi məlumata görə, bu fikri “The Washington Post” qəzetinin köşə yazarı Maks But köşə yazısında bildirib.
...Ukrayna cəbhə xəttində qalmaq və dağılmış enerji infrastrukturunu bərpa etmək üçün mübarizə apardığı bir vaxtda qarşıda bizi çətin aylar gözləyir. Qərb göstərməlidir ki, dəstəyindən tərəddüd etməyəcək. Bu dəhşətli münaqişənin ağır yükünü çəkən ukraynalılar, şübhəsiz ki, bunu etməyəcəklər.
Bunu Ukrayna prezidenti Vladimir Zelenskinin ABŞ-a yeni səfərini şərh edən müəllif qeyd edib.
But vurğulayıb ki, cəbhədə taleyinin dəyişməsi fonunda Ukrayna xarici dəstəyin mümkün azalması ilə məşğul olmaq məcburiyyətindədir.
...Aprel ayında Konqresin Ukraynaya 61 milyard dollarlıq yardım paketini təsdiqləməsi aylarla gecikdi. Bu pul ilin sonuna kimi tükənəcək və Konqresin daha bir böyük paketi təsdiqləyəcəyinə zəmanət yoxdur. Keçmiş prezident Donald Tramp qalib gələrsə, Ukrayna xüsusilə ağır vəziyyətə düşə bilər. Tramp vitse-prezident Kamala Harrislə yeganə debatında Ukraynanın müharibədə qələbəsini dəstəklədiyini bəyan etmək çağırışlarını rədd edib.
Bunu yazan But əlavə edib ki, prezident Cozef Bayden Zelenskiyə Rusiyanın dərinliklərindəki hərbi hədəfləri vurmaq üçün Qərb silah sistemlərindən istifadə etməyə icazə verməlidir.
Eyni zamanda müəllif Ukraynaya əvvəllər verilmiş Amerika istehsalı olan ATACMS raketlərini də xatırladır.
Əli Babayev
Bütün xəbərlər Facebook səhifəmizdə
USD
EUR
GBP
RUB