…Rusiya hökuməti artıq Rusiya vergi ödəyicilərinə 22 trilyon rubla başa gələn Ukraynadakı müharibənin hesabını ödəmək üçün hərbiyə büdcə xərclərini yenidən, özü də kəskin şəkildə artırmağa hazırlaşır.
SİA-nın əldə etdiyi məlumata görə, 2025-ci ildə federal xəzinədarlıq milli müdafiəyə rekord məbləğdə 13,2 trilyon rubl və ya 142 milyard dollar xərcləyəcək.
…Bloomberg bunu Rusiya Federasiyasının Dövlət Dumasına təqdim edilmək üçün hazırlanan büdcə qanunu layihəsinə istinadən xəbər verir.
…2024-cü illə (10,8 trilyon rubl) müqayisədə hərbi xərclər daha 22 faiz, 2023-cü illə müqayisədə (6,8 trilyon rubl) iki dəfə, müharibədən əvvəlki 2021-ci illə (3,5 trilyon) müqayisədə isə təxminən 4 dəfə artacaq.
Hərbi büdcə milli ÜDM-in 6,2 faizinə çatacaq - Afrikadakı hərbi diktaturaların səviyyəsi (Cənubi Sudanda ÜDM-in 6,3 faizi), hərbi xərclərin xəzinədəki payı - təxminən 30 faiz - SSRİ dövründən bəri görünməmiş səviyyədə qalacaq.
Büdcənin demək olar ki, hər üçüncü rublu (ümumilikdə 12,9 trilyon rubl) məxfi maddələrə xərclənəcək. Belə xərclərin ümumi həcmi cari illə müqayisədə 16 faiz və ya 1,8 trilyon rubl artacaq.
Hökumət polisin, Milli Qvardiyanın, İstintaq Komitəsinin, xüsusi xidmət orqanlarının və digər hüquq-mühafizə orqanlarının büdcələrini əhatə edən “milli təhlükəsizlik” başlığı altında daha 3,5 trilyon rubl xərcləyəcək. Ümumilikdə ordu və təhlükəsizlik qüvvələri federal büdcənin 40 faizini və ya 16,7 trilyon rublu “yeyəcək”.
Hökumət səhiyyəyə büdcə xərclərini cari il səviyyəsində - 1,6 trilyon rubl səviyyəsində dondurmağı, pensiya və müavinətlərin ödənişləri də daxil olmaqla əhalinin sosial dəstəyinə büdcə xərclərini əhəmiyyətli dərəcədə azaltmağı planlaşdırır.
Təhsil xərcləri, büdcə layihəsinə əsasən, bir qədər artacaq - 1,5 trilyon rubldan 1,6 trilyon rubla…
Vergilərin artırılması hökumətə hərbi büdcəni tarazlaşdırmağa kömək edəcək: 2025-ci ildən Rusiyada fərdi gəlir vergisinin mütərəqqi miqyası fəaliyyətə başlayacaq və biznes mənfəət vergisi də artacaq. Bu, Rusiya Maliyyə Nazirliyinin hesablamalarına görə, xəzinəyə əlavə 2,6 trilyon rubl gəlir gətirəcək..?
Əli Babayev
Bütün xəbərlər Facebook səhifəmizdə
USD
EUR
GBP
RUB