...Rusiyadakı siyasi vəziyyət orada çalışan Mərkəzi Asiyadan olan əməkçi miqrantların həyatını çətinləşdirməkdə davam edir. Bu şəraitdə Qərb dövlətləri leqal miqrasiya ilə bağlı razılaşmalar vasitəsilə regionda öz təsirlərini genişləndirmək imkanı əldə edirlər.
Amma Avropa İttifaqı və Böyük Britaniyada sağçı qüvvələrin təsiri artır ki, bu da bu cür əməkdaşlığı məhdudlaşdıra bilər. SİA-nın xarici qaynaqlardan əldə etdiyi məlumata görə, Almaniya kansleri Olaf Şolz ölkəsinin sentyabrın 15-də Özbəkistanla bağladığı miqrasiya müqaviləsinin təfərrüatlarını açıqlamayıb.
Özbəkistan prezidenti Şavkat Mirziyoyev ilə danışıqlardan sonra Şolz yalnız müqavilənin “Almaniyaya ehtiyac duyduğumuz ixtisaslı işçilərin lazımi immiqrasiyasına” icazə Bununla yanaşı, Almaniya kansleri Səmərqənddə olarkən qayıtmalı olanların həqiqətən geri qayıtması üçün sadə və bürokratik olmayan prosedurların razılaşdırılacağını da istisna etməyib.
Qeyd edilməlidir ki, Almaniya miqrasiyanın, xüsusən də qeyri-qanuni miqrasiyanın sağçı siyasətçilər tərəfindən fəal şəkildə istifadə edildiyi Qərb ölkələrindən biridir.
Lakin bu, həm də Qərb ölkələrinin Rusiyanın Ukraynaya genişmiqyaslı işğalına başlamasından sonra strateji əhəmiyyəti artan Orta Asiya ilə əlaqələri dərinləşdirmək vədlərini qısa müddətdə yerinə yetirə biləcəyi azsaylı sahələrdən biridir.
Yeri gəlmişkən, bu gün Almaniya iqtisadiyyatını geridə qoyan ciddi işçi çatışmazlığını həll etməklə yanaşı, ifrat sağçıların seçki uğurlarından sonra əhali arasında anti-immiqrant əhval-ruhiyyəni cilovlamağa çalışır. Amma biz qeyri-qanuni miqrantlara qarşı sərtlik nümayiş etdirən, lakin eyni zamanda ixtisaslı işçilər və tələbələr üçün imkanlar yaradan müqavilələr görürük.
...Bunu Avrasiyada miqrasiyanı araşdıran tədqiqatçı və jurnalist Yan Matuseviç deyir.
Təbii ki, iş axtarmaq üçün ölkələrini tərk edən Mərkəzi Asiyalıların ənənəvi miqrasiya mərkəzi həmişə regiondan milyonlarla insanın yaşadığı Rusiya olub.
Lakin bu gün Qırğızıstan, Tacikistan və Özbəkistandan olan miqrantların Rusiyadakı çətin həyatı müharibə səbəbindən daha da çətinləşib.
Çünki işə götürən ruslar Mərkəzi Asiyadan olanları ikili vətəndaşlığı cəlb etməklə, onları cəbhəyə göndərmək üçün stimul yaradırlar.
...Və bundan əlavə, rusların Mərkəzi Asiyadan olan miqrantlara (təkcə onlaramı?-A.B.) qeyri-insani münasibəti, onları heç adam yerinə saymamaları...təbii ki, Qərbin Mərkəzi Asiya ölkələrinin rəğbətini qazanmaq üçün real imkan pəncərəsi yaradır.
...Amma bunun elə də tezliklə reallaşa biləcəyi hələ ki, sual altındadır..?
Əli Babayev
Bütün xəbərlər Facebook səhifəmizdə
USD
EUR
GBP
RUB