Rusiya Mərkəzi Bankı xəbərdarlıq edib ki, neft qiymətlərinin “bütün üfüqdə” əsas dəyərlərdən xeyli aşağı olması səbəbindən 2025-ci ildə Rusiya Ehtiyat Fondundakı (NWF) vəsaitin tükənmə ehtimalı yüksəkdir.
Beləliklə, Rusiya istər-istəməz kəsiri maliyyələşdirmək və Ukrayna ilə müharibəni davam etdirmək üçün pulu haradan əldə etmək sualı ilə üzləşəcək..?
SİA-nın əldə etdiyi məlumata görə, bu barədə Dialoq yazır.
Daxil olan məlumatlara görə, müharibə başlayandan bəri Rusiya Ehtiyat Fondunun “real” pulu yarıya qədər dağılıb.
Bu vəsaitlər büdcə kəsirlərini ödəmək və iri şirkətlərə kömək etmək üçün istifadə olunur.
Neftin qiyməti uzun müddət aşağı düşsə və ya aşağı qalsa, 2025-ci ilə qədər Rusiyanın pulu tükənəcək. Artan sanksiyalar, artan deqlobalizasiya və yaxınlaşan qlobal maliyyə böhranı suveren sərvət fondunu tükəndirə bilər.
Keçən ay neft qiymətlərindəki sıçrayışlar analitikləri 2025-ci ilə qədər eniş proqnozlara yenidən baxmasına səbəb olub. Ehtimal olunan dəhliz 60-70 dollar/barel təşkil edir ki, bu da faydalı qazıntıların hasilatı vergisindən büdcə gəlirlərinin 43 faizinə təsir edəcək.
Rusiyalı iqtisadi analitik Anatoli Nesmiyan vurğulayır ki, Rusiya hakimiyyəti kritik vəziyyətdə rusların pullarını müsadirə edə bilər.
Əli Babayev
Bütün xəbərlər Facebook səhifəmizdə
USD
EUR
GBP
RUB