İsrail bütün Livanı sarsan çox böyük bir terror hücumu həyata keçirdi. Bir anda Beyrut başda olmaqla bütün Livanda minlərlə rabitә qurğusu bomba kimi partladı. Ümumiyyətlə Hizbullahın istifadə etdiyi bu rabitə sistemlərinə yönəlmiş hücum nəticəsində indiyə qədər ən azı 12 nəfər həlak olub, 2800-dən çox adam isə yaralanıb. İsrail kəşfiyyatının tədarük zəncirinə daxil olaraq çağrı cihazlarının içinə partlayıcı yerləşdirdiyi və cihazları sinxron şəkildə partlatmaq üçün tətikləyici siqnal göndərdiyi müəyyən edilib.
SİA türk saytlarına istinadən Türkiyə Siyasət, İqtisadiyyat və Cəmiyyət Araşdırmaları Fondu – SETA-nın araşdırmaçı-yazarı Can Acunun məqaləsini təqdim edir...
7 oktyabrda Qəzzada başlayan toqquşmalardan bu yana İsrail ilə Hizbullah arasında nəzarət olunan bir hərbi qarşıdurma mövcud idi. Vaxtaşırı tərəflər qırmızı xətləri aşan addımlar atsalar da, tam miqyaslı bir müharibəyə gedəcək addımlardan çəkiniblər. Lakin İsrailin Hizbullahın iki nömrəsi Fuat Şükürə qarşı həyata keçirdiyi sui-qəsddən sonra gedişat dəyişməyə başladı. Xüsusən Hizbullahın hücuma səmimi bir cavab verə bilməməsi İsraili daha da cəsarətləndirərkən, nəticədə bütün Livanı sarsıdan böyük bir addım atmasına səbəb oldu.
17 sentyabr çərşənbə axşamı günorta saatlarında Livanda bir anda minlərlə partlayış baş verdi, 12 nəfər həlak oldu, ən azı 2800 nəfər isə yaralandı. Böyük bir panikaya və xaosa səbəb olan bu terror hücumunun arxasındakı müəmmalı vəziyyət sürətlə həll olunarkən, məsuliyyətin İsrailə aid olduğu ortaya çıxdı. "8200" adlanan və İsrailin bütün kəşfiyyat təşkilatlarını bir araya gətirən çətir quruluşu böyük bir əməliyyat həyata keçirdi. İsrail kəşfiyyatı uzun müddət əvvəl Hizbullahın mobil telefonlara alternativ olaraq istifadə etdiyi cihazları əldə etmək istədiyini öyrəndi. Macarıstandan təmin edilməyə çalışılan Tayvan patentli Gold Apolla AR-924 markalı hərbi tip bir kommunikasiya cihazının içinə təxminən 20 qram PETN (Pentaeritritol Tetranitrad) partlayıcı maddə yerləşdirib. Daha sonra isə radio siqnalından istifadə edərək elektron tətikləyici ilə partladıblar. Cihazlara Hizbullah komandirliyindən mesaj göndərilmiş kimi göstərib hamının cihazı əlinə alıb üzünə yaxınlaşdırdığı bir anı seçərək partlatmağı seçmiş olmaları mümkündür. Beləliklə, istifadəçilərin üz nahiyyәsindәn yaralanması, görmə itkisinə səbəb olacaq böyük zərər almaları da hədəflənmişdir.
Əslində İsrail Livanı işğal etmək istədiyi bir vaxtda Hizbullah müdafiəsini yarmaq üçün bu cihazları partlatmağı hədəfləyirdi, lakin aşkar olmaq ehtimalı ilə bu addımı erkən atmaq məcburiyyətində qalmış ola bilərlər. Nəticədə İsrail kəşfiyyatı çox böyük bir əməliyyat həyata keçirərək Hizbullaha həyati dərəcədə ciddi zərbə vurmağı bacarmış görünür. Minlərlə Hizbullah üzvünün yaralandığı bu hücumla gizli Hizbullah üzvlәri də ifşa edilib. Hücumda həmçinin İranın Livandakı səfiri də üz nahiyyәsindәn ağır yaralanıb.
İsrail artıq Hizbullahla davam edən hərbi qarşıdurmanın nəzarətini tam ələ keçirib və üstünlüyə yiyələnmiş vəziyyətdədir. Artıq top İran və Hizbullahın sahəsindədir. Ritorikanı bir kənara qoyub real cavab verə bilməzlərsə, İsrailin hədəfi olmağa davam edəcəklər. İsrail münasib şərtlər yaranarsa, Litani çayına qədər Hizbullahı təmizləyəcək bir quru əməliyyatına başlayacaq.
Bütün xəbərlər Facebook səhifəmizdə
USD
EUR
GBP
RUB