…Kiyev Beynəlxalq Sosiologiya İnstitutunun sorğusuna əsasən, ukraynalıların 79 faizi ABŞ və ya Avropa İttifaqı vətəndaşlığı alsalar belə, Ukraynada qalacaqlar. Respondentlərin yalnız 19 faizi xaricə köçməyə hazır olduğunu bildirib.
SİA-nın əldə etdiyi məlumata görə, bunu Kiyev Beynəlxalq Sosiologiya İnstitutunun sorğusu sübut edir.
Qeyd edilməlidir ki, xaricə köçmək istəyinin 2022-ci ilin sentyabr ayı ilə müqayisədə 19 faizə qədər artdığı, lakin 2020-ci ilə nisbətən nəzərəçarpacaq dərəcədə aşağı qaldığı bildirilir.
Eyni zamanda, ukraynalıların mütləq əksəriyyəti – 79 faizi ABŞ/AB vətəndaşlığını alsalar belə, yenə də Ukraynada qalacaqlarını iddia etməkdə davam edirlər.
Ukraynanın bütün bölgələrində xaricə köçməyə hazır olanların payının artması tendensiyası var, lakin, birincisi, hər yerdə (Şərq istisna olmaqla) cari göstərici 2020-ci ildən aşağıdır (Şərqdə göstəricilər aşağıdır).
İkincisi, bütün regionlarda mütləq əksəriyyət (75-81 faizi) xaricə köçmək istəmir, Ukraynada qalmaq istəyir.
…Əlbəttə, problemlər mövcuddur, lakin ukraynalılar Ukraynaya, daha yaxşı gələcəyə inamlarını qoruyurlar.
Qeyd edək ki, sorğu 2024-cü il sentyabrın 1-dən sentyabrın 6-dək Ukraynanın bütün regionlarında (Ukrayna hökumətinin nəzarətində olan ərazi) mobil telefon nömrələrinin təsadüfi seçilməsi əsasında telefon müsahibələrindən istifadə etməklə aparılıb. Sorğuda 1022 respondent iştirak edib.
Əli Babayev
Bütün xəbərlər Facebook səhifəmizdə
USD
EUR
GBP
RUB
