Türkiyənin ilk üzən qaz emalı, saxlanması və boşaldılması platforması (FPSO) Çanaqqala boğazından keçib.
İyul ayının sonunda Sinqapuru tərk edən Türkiyənin ilk üzən təbii qaz emalı platforması Egey dənizindən Çanaqqala boğazına daxil olub. SİA bu barədə Türkiyə saytlarına istinad edir.
Enerji və təbii sərvətlər naziri Alparslan Bayraktar "X" sosial media hesabında üzən qaz platforması ilə bağlı paylaşım edib.
A. Bayraktar deyib:"Üzən platformamız Çanaqqalaya çatdı. 2026-cı ildə ''Sakarya'' qaz yatağında istifadəyə verilərək platforma gündəlik 10 milyon kubmetr təbii qaz emal edəcək. Platforma təkbaşına 4 milyon evin qaz ehtiyacını ödəyəcək".
Paylaşımda platformanın “Sakarya” qaz yatağındakı gündəlik istehsalı iki dəfə artıracağı deyilib.
Bütün xəbərlər Facebook səhifəmizdə
USD
EUR
GBP
RUB
