İranın yeni prezidenti Məsud Pezeşkiyan deyib ki, əxlaq polisi bundan sonra hicab tələbi ilə bağlı qadınları narahat etməyəcək. SİA xarici KİV-ə istinadən xəbər verir ki, Birləşmiş Millətlər Təşkilatı (BMT) keçən həftə xəbərdarlıq edib ki, İranda qadınlar sərt geyim qaydalarını pozduqlarına görə hələ də ciddi şəkildə cəzalandırılırlar.
İyul ayında keçirilən prezident seçkilərində qalib gəldikdən sonra keçirdiyi ilk mətbuat konfransında danışan Pezeşkiyan, bir qadın jurnalistin polis maşınlarından qaçmaq üçün yolunu dəyişdiyini izah etdikdən sonra polisin hələ də küçələrdə olub-olmadığını soruşub. Saçları azca görünən çadrasını taxan jurnalist küçələrdə polisin olduğunu deyib.
Pezeşkiyan isə cavabında deyib: "Əxlaq polisi qadınlara qarışmamalıdır. Mən vəziyyətə nəzarət edəcəm ki, qadınları narahat etməsinlər".
2 yaşlı Məhsa Əmininin vəfatının ikinci ildönümünə təsadüf edən iclasdakı bu çıxış İran İslam Respublikasının Xəbər Şəbəkəsi də daxil olmaqla bir çox əsas telekanallarda yayımlanıb və sosial şəbəkələrdə yayılıb. Seçkilərdən əvvəl Pezeşkiyan hicab tələbinə qarşı çıxacağını vəd etmişdi. O, həmçinin ölkədə uzun müddətdir mövcud olan bəzi internet nəzarətlərini yüngülləşdirəcəyini söyləyib.
Bütün xəbərlər Facebook səhifəmizdə
USD
EUR
GBP
RUB