İran Xarici İşlər Nazirliyinin sözçüsü Nasser Kənaani Amerika mətbuatının Tehranın Rusiyaya silah tədarük etməsi ilə bağlı xəbərlərini “psixoloji müharibə” adlandırıb.
SİA-nın əldə etdiyi məlumata görə, onun sözlərini Fars sitat gətirir.
CNN daha əvvəl bildirmişdi ki, İran Ukraynada istifadə üçün Rusiyaya yaxın mənzilli ballistik raketlər ötürüb. Kənaani bu mesajları “psixoloji müharibə” adlandırıb.
…İran Rusiyaya bir dənə də olsun raket göndərməyib. Biz heç bir tərəfi dəstəkləmirik və münaqişənin “qanunsuz” olduğuna inanırıq, - deyə o bildirib.
Kənani əlavə edib ki, İran və Rusiya Federasiyası arasında əməkdaşlıq beynəlxalq normalara əsaslanan ikitərəfli razılaşmalar çərçivəsində həyata keçirilir və Ukraynadakı münaqişə ilə heç bir əlaqəsi yoxdur.
Yada salaq ki, Kiyev və onun Qərb müttəfiqləri dəfələrlə Tehranı Moskvanı Ukraynada istifadə üçün silahla təmin etməkdə ittiham ediblər. İran bu xəbərləri təkzib edir. Bundan əlavə, Tehran Ukraynadan Rusiyanın İran istehsalı olan PUA-lardan istifadəsinə dair sübut təqdim etməyi xahiş etsə də, hələ ki, bunu almayıb.
Əli Babayev
Bütün xəbərlər Facebook səhifəmizdə
USD
EUR
GBP
RUB