Rusiyanın Poltavadakı Hərbi Telekommunikasiya və İnformasiyalaşdırma İnstitutunun binasına raket hücumu nəticəsində ölənlərin sayı 58 nəfərə çatıb.
SİA xarici qaynaqlara istinadən xəbər verir ki, bu barədə bazar günü regional hərbi administrasiyanın rəhbəri Filip Pronin məlumat verib.
Daha əvvəl 55-ə yaxın ölü, 330-a yaxın yaralı olduğu bildirilirdi.
Pronin sözlərinə görə, daha üç nəfər sonradan xəstəxanalarda dünyasını dəyişib.
Xatırladaq ki, rus qoşunları sentyabrın 3-də Poltavaya hücum edib. Poltava vilayətində 3 günlük matəm elan edilib. Yerli ictimai səhifələr insanları qurbanlar üçün qan verməyə çağırır. Bu, Rusiyanın 2024-cü ildəki ən ölümcül zərbəsidir və genişmiqyaslı müharibədə ən ölümcül zərbələrdən biridir.
Yeri gəlmişkən, daha çox ölənlərin sayı yalnız 2023-cü ilin oktyabrında Rusiyanın Xarkov Qroza kəndindəki kafeyə hücumu zamanı qeydə alınıb. O zaman 59 nəfər ölmüşdü.
Ukrayna prezidenti Vladimir Zelenski Poltavanın sentyabrın 3-də iki ballistik raketlə vurulduğunu qeyd edib. Fövqəladə Hallar Nazirliyinin məlumatına görə, altı mərtəbəli tədris binası dağılıb, üç yaşayış binası, beş fərdi yaşayış evi və bir inzibati binaya ziyan dəyib. Ukrayna Müdafiə Nazirliyinin məlumatına görə, zərbələr qısa fasilə ilə həyata keçirilib, ona görə də “insanları bomba sığınacağına təxliyə edərkən yaxalayıblar”.
Əli Babayev
Bütün xəbərlər Facebook səhifəmizdə
USD
EUR
GBP
RUB
