…Moskvada "Dinamo Mahaçqala" ilə "Spartak" futbol matçında azarkeşlər tribunadan guya ilk olaraq "Rusiya ruslar üçün" şüarını səsləndirdilər.
Dövlət Dumasının deputatı Sultan Həmzəyev Fan ID sistemindən istifadə etməklə günahkarların tapılmasını və məsuliyyətə cəlb olunmasını tələb edib.
SİA-nın rus saytlarından əldə etdiyi məlumata görə, Rusiya Futbol İttifaqı baş verənləri şərh etmir: ötən yay Rusiya Futbol İttifaqının prezidenti Aleksandr Dyukov azarkeşlərin biometrik identifikasiya olmadan bu səviyyəli oyunlara buraxılacağını bildirmişdi.
Kavkaz.Realii saytı indi kimin günahkar elan ediləcəyini araşdırıb.
...Deməli, avqustun 27-də “Fonbet” futbol üzrə Rusiya kuboku çərçivəsində paytaxtda Mahaçqalanın “Dinamo”su ilə Moskvanın “Spartak” klubları arasında oyun keçirilib. Bütün oyunda yeganə qolu 14-cü dəqiqədə Mahaçqala komandasının hücumçusu Qamid Ağalarov penaltidən vurub. Nəticədə əlavə vaxt da nəzərə alınmaqla oyun 0:1 hesabı ilə “Dinamo”nun xeyrinə başa çatıb.
Deyilənlərə görə, matç oyunçular arasında münaqişəsiz ötüşməyib: 56-cı dəqiqədə, həmçinin oyundan dərhal sonra Mahaçqala təmsilçisinin oyunçuları Valentin Paltsev və “Spartak”lı Manfred Uqalde arasında atışma baş verib. Oyunun sonuna yaxın “Dinamo”nun oyunçusu Rəzhab Maqomedov və “Spartak”ın hücumçusu Anton Zinkovski Moskva komandasının qapısında olarkən azarkeş sektorundan “Rusiya ruslar üçün, Moskva moskvalılar üçün” şüarı açıq-aydın eşidilib.
...Rusiya Futbol İttifaqının prezidenti Aleksandr Dyukovdan Moskva ilə oyunda baş verənlərlə bağlı qurumun mövqeyini müəyyənləşdirmək istənilib.
Qeyd edək ki, “Rusiya ruslar üçün” şüarı 2010-cu ilin dekabrında Rusiya məhkəməsi tərəfindən ekstremist kimi tanınıb, deputat Həmzəyev Rusiya Futbol İttifaqına müraciətində xatırladıb.
O, Fan ID sistemindən istifadə edərək ondan istifadə edən azarkeşləri hesablamağı və onlara matçlara getməyi qadağan etməyi və komandalarını beş oyunluq diskvalifikasiya etməyi təklif edib.
Amma, bir həftə sonra Rusiya Futbol İttifaqının nəzarət və nizam-intizam komitəsinin rəhbəri Artur Qriqoryants, “Dinamo” klubunun yaydığı videoda “montaj əlamətləri” olduğunu deyib.
Yəni onun dediyindən belə çıxır ki, ruslar belə söz deməyiblər..?
Əli Babayev
Bütün xəbərlər Facebook səhifəmizdə
USD
EUR
GBP
RUB