...ABŞ yaxın həftələrdə Kiyevə əlavə hərbi yardım göndərəcək. SİA-nın əldə etdiyi məlumata görə, bunu Ağ Evin Milli Təhlükəsizlik Şurasının sözçüsü Con Kirbi bildirib.
Çərşənbə axşamı çıxış edən o, prezident Cozef Bayden administrasiyasının onlarla insanın ölümünə səbəb olan Poltavaya Rusiyanın raket hücumunu pislədiyini bildirib.
...Kirbi deyib ki, bu hücum Rusiya prezidenti Vladimir Putinin Ukrayna xalqına qarşı vəhşiliyinin növbəti dəhşətli xatırlatmasıdır. O əlavə edib ki, zərbə Ukraynanın hava hücumundan müdafiə sisteminin gücləndirilməsinin təcili ehtiyacını vurğulayır.
Ukrayna hakimiyyətinin son məlumatlarına görə, Poltavadakı hərbi rabitə institutuna ballistik raket hücumu nəticəsində 50-dən çox adam ölüb, 200-dən çox insan yaralanıb.
“Amerikanın Səsi” amerikalı rəsmilərə istinadən çərşənbə axşamı bildirib ki, Birləşmiş Ştatlar Ukraynaya Rusiya ərazisinin dərinliklərindəki hədəfləri vura bilən uzaqmənzilli qanadlı raketlərin tədarükü ilə bağlı razılaşmaya yaxındır, lakin tədarüklə bağlı texniki problemlər bir neçə dəfə davam edə bilər.
Adının açıqlanmasını istəməyən üç mənbənin sözlərinə görə, yekun qərar hələ verilməsə də, Kiyevə göndərilən silahlar paketinə Birgə Hava-Yerüstü Qarşıdurma Raketlərinin (JASSM) daxil edilməsinin bu ilin payızında açıqlanacağı gözlənilir. "Amerikanın səsi" nəşrinin məlumatına görə, Ukraynaya JASSM göndərilməsi strateji vəziyyəti əhəmiyyətli dərəcədə dəyişə bilər, çünki Rusiya ərazisindəki hədəflərə güclü dəqiqlikli raketlərin əli çatacaq.
Hərbi analitiklərin fikrincə, JASSM-nin yerləşdirilməsi Rusiya təchizat anbarlarını sərhəddən yüzlərlə kilometr uzaqlaşdıra bilər. Bu da Moskvanın hücum əməliyyatlarını davam etdirmək səylərinə ciddi əngəl törədə bilər və potensial olaraq Ukraynaya strateji üstünlük təmin edərdi.
“Politico” bu il avqustun ortalarında yazıb ki, ABŞ Ukraynaya “F-16” qırıcıları üçün uzaqmənzilli qanadlı raketlər verməyi nəzərdən keçirir, ilk partiyanı Kiyev bu yaxınlarda alıb. Nəşr qeyd edib ki, bu cür raketlər sayəsində Ukrayna Hərbi Hava Qüvvələri 300 kilometrdən çox məsafədəki hədəflərə hücum edə biləcək.
Əli Babayev
Bütün xəbərlər Facebook səhifəmizdə
USD
EUR
GBP
RUB