...Sankt-Peterburqda məhkəmə Ukraynadan müharibədən qayıdan 22 yaşlı Artur Kurşevi istintaq təcridxanasına göndərib. O, 34 yaşlı yerli sakini qətlə yetirməkdə ittiham olunur.
SİA “Mediazona”-ya istinadən xəbər verir ki, Kurşev müharibəyə koloniyadan gəlib və orada da qətl törətdiyinə görə cəza çəkirdi. Ukrayna ərazisində o, "Fırtına" bölməsində xidmət edib.
Qeyd edək ki, Rusiya Müdafiə Nazirliyi ona məhbusları cəlb edir.
Kurşev tərəfindən öldürülən şəxs Sankt-Peterburqda zərgərlik biznesi ilə məşğul olan taqanroqlu olub. Təqsirləndirilən şəxsin sözlərinə görə, o, Kurşev Neva sahili ilə gedərkən onu şifahi təhqir etdiyi üçün (deyilənlərə görə, onu “durak” adlandırıb) onu hücuma təhrik edib.
...İstintaq materiallarında bildirilir ki, müharibədən qayıdan şəxs tanımadığı qadına döş qəfəsindən iki bıçaq zərbəsi vurub və nəticədə qadın yerindəcə ölüb.
Ukraynaya qarşı müharibədən qayıdanların törətdiyi ağır cinayətlər, o cümlədən qətl və zorlamalar barədə mətbuatda mütəmadi olaraq məlumatlar verilir. Artıq yüzlərlə belə hal məlumdur. Onların yaratdığı rezonans Kremli nəzarətdə olan jurnalistlərə belə hadisələr barədə danışmamağı tövsiyə etməyə məcbur etdi.
Mart ayında Rusiya Dövlət Duması hərbi xidmət üçün müqavilə bağlayanların kiçik və orta ağırlıqda olan cinayətlərə görə cinayət məsuliyyətindən azad ediləcəyi qanun layihəsini qəbul edib. Əvvəllər cinayət törətməkdə təqsirli bilinən müharibə iştirakçıları Rusiya prezidentinin imzaladığı əfv fərmanı ilə cəzadan azad edilirdilər.
Əli Babayev
Bütün xəbərlər Facebook səhifəmizdə
USD
EUR
GBP
RUB