Prezident Rəcəb Tayyib Ərdoğan Türkiyənin mülki vətəndaşlar tərəfindən hazırlanacaq yeni, əhatəli və liberal konstitusiyaya hazır olduğunu bildirib.
SİA-nın əldə etdiyi məlumata görə, Ankarada 2024-2025-ci ədliyyə ilinin açılış mərasimində çıxış edən R.T.Ərdoğan deyib: “İnsanları mərkəzə tutan, sürətli və effektiv fəaliyyət göstərən bir sistemin qurulması ədalət siyasətimizin ən mühüm hədəfidir.
“Türkiyə əsri”nin məhkəmə baxışını qanunun aliliyinə əsaslanan, çevik, etibarlı və proqnozlaşdırıla bilən bir ədalət sistemi olaraq təyin etdik.
“Türkiyə əsri”ni yeni mülki konstitusiya ilə “ədalət əsri” edib taclandırmaq istəyirik. Cəmiyyətin müxtəlif təbəqələrinin töhfəsini ən geniş konsensusla alaraq bu prosesi sağlam düşüncə ilə idarə etmək fikrindəyik.
Əslində Türkiyə mülki vətəndaşların əli ilə yeni, əhatəli və liberal konstitusiyaya hazırlanmağa hazırdır. Müxalifət “mülki vətəndaşların konstitusiya hazırlamasına öyrənilmiş acizlik vəziyyətidir" deyir. Yeni konstitusiya məsələsinin qarşısındakı ən böyük maneə qərəzlərdir.
Oktyabrın 1-dən başlayacaq yeni qanunvericilik ilində siyasi partiyalar arasında dialoqun əsasını gücləndirməklə bu problemin öhdəsindən gələcəyimizə inanırıq”.
Bütün xəbərlər Facebook səhifəmizdə
USD
EUR
GBP
RUB