Sudan Səhiyyə Nazirliyi ölkənin şərqindəki Port Sudan şəhərindən 20 kilometr aralıda yerləşən Arbaat bəndinin uçması nəticəsində 4 nəfərin öldüyünü bildirib. SİA xarici KİV-ə istinadən xəbər verir ki, yerli mətbuatın məlumatına görə, Sudanın şərqindəki Qırmızı dəniz əyalətinin mərkəzi olan Port Sudan yaxınlığında qurulan və əyalətin əsas içməli su mənbəyi olan Arbaat bəndi ötən gün güclü yağışlar nəticəsində dağılıb.
Sudan Səhiyyə Nazirliyindən verilən açıqlamada, onlarla insanın tələyə düşdüyü bildirilib. Sudan Suverenlik Şurasının sədri Əbdülfəttah əl-Burhan daşqından zərər çəkmiş əraziyə baxış keçirib. Digər tərəfdən, qonşu Sudan olan Misirin Su Ehtiyatları və Suvarma Nazirliyindən verilən açıqlamada deyilib: “Nazirlik baş verən daşqınlarla əlaqədar qardaş Sudan Respublikasının rəhbərliyinə, hökumətinə və xalqına dərin hüznlə başsağlığı verir".
Açıqlamada bildirilib ki, Port Sudan şəhərini qidalandıran əsas su mənbələrindən biri olan Qırmızı dəniz sahilində Arbaat bəndinin çökməsi daşqınlara səbəb olub, bəndin ətrafındakı bir çox kəndi su altında qoyub, vətəndaşlar arasında insan tələfatı və yaralananlar olub.
Bütün xəbərlər Facebook səhifəmizdə
USD
EUR
GBP
RUB