Dünyanın ilk mRNT ağciyər xərçəngi peyvəndi xəstələrdə sınaqdan keçirilməyə başlanıb. SİA xarici mətbuata istinadən xəbər verir ki, Türkiyə də daxil olmaqla 7 ölkədə aparılan klinik sınaqlar çərçivəsində İngiltərədəki bir xəstəyə peyvəndin ilk dozası verilib.
Elm adamları orqanizmə “xərçəng hüceyrələrini ovlamağa və öldürməyə və onların geri qayıtmasının qarşısını almağa” imkan verən yeni mRNT peyvəndini sınaqdan keçirirlər. BNT116 adı ilə tanınan və BioNTech tərəfindən istehsal edilən peyvənd xəstəliyin ən çox yayılmış forması olan ağciyər xərçənginin müalicəsində istifadə olunacaq. Ağciyər xərçəngi hər il dünyada təxminən 1,8 milyon insanın ölümünə səbəb olur.
BNT116-nın birinci faza klinik sınaqları Böyük Britaniya, ABŞ, Almaniya, Macarıstan, Polşa, İspaniya və Türkiyədə 34 tədqiqat mərkəzində aparılır. Xəstəliyin müxtəlif mərhələlərində, yəni cərrahiyyə və ya radioterapiyadan əvvəl erkən mərhələdən gec mərhələdə olan xəstəlik və ya təkrarlanan xərçəngə qədər təxminən 130 nəfər immunoterapiya ilə birlikdə peyvənd alacaq. İngiltərədə peyvəndin ilk dozası Londonda yaşayan 67 yaşlı Yanuş Raça verilib. Racz altı həftə ərzində hər həftə, sonra 54 həftə ərzində üç həftədən bir peyvənd olunacaq. May ayında xərçəng diaqnozu qoyulan və kimyaterapiya müalicəsi alan Racz, "Elmin inkişafı insanların bu cür tədqiqatlarda iştirak etməyə razı olmasındadır" deyib.
Bütün xəbərlər Facebook səhifəmizdə
.jpg)
USD
EUR
GBP
RUB