ABŞ höküməti Ukraynaya yeni hərbi yardım paketi ayıracaq. SİA xəbər verir ki, bu barədə ictimaiyyətə əlavə məlumat veriləcək.
Bunu jurnalistlər üçün keçirdiyi brifinqdə Ağ Evin strateji kommunikasiyalar üzrə koordinatoru Con Kirbi deyib.
O, həmçinin verilməsi planlaşdırılan paketi daha əhəmiyyətli adlandırıb. Kirbi, dəstəyin miqdarını dəqiqləşdirməyib.
ABŞ prezidenti Co Baydenin bəyanatında isə deyilir ki, Ukraynaya hava hücumundan müdafiə sistemləri üçün raketlər, pilotsuz uçuş aparatları, tank əleyhinə silahlar və digər döyüş sursatlarından ibarət yeni yardım paketi təhvil veriləcək.
Bayden cümə günü Ukrayna prezidenti Vladimir Zelenski ilə ölkənin avqustun 24-də qeyd olunan Müstəqillik Günü ilə bağlı telefon danışığı apardığını deyib.
Onun sözlərinə görə, Birləşmiş Ştatlar tezliklə Ukraynaya yeni hərbi yardım paketinin ayrıldığını elan edəcək.
Bütün xəbərlər Facebook səhifəmizdə
.jpg)
USD
EUR
GBP
RUB