Sərhəd gözətçiləri ABŞ-Meksika sərhədində qarpız yükünün içərisində gizlədilmiş 5 milyon dollardan çox metamfetamin daşıyan yük avtomobilini saxlayıblar. SİA xarici KİV-ə istinadən xəbər verir ki, narkotiklər meyvəyə bənzəyən iki yaşıl rəngə boyanmış plastik qaba bükülmüş və əsl qarpızların arasına qoyulmuşdu. Polis əməkdaşları tərəfindən ümumilikdə 1220 bağlamada iki tondan çox metamfetamin götürülüb.
ABŞ Gömrük və Sərhəd Mühafizəsi rəsmiləri deyirlər ki, onların əməkdaşları Otay Mesada Meksika sərhədində qoşqu daşıyan yük maşını saxlayıblar. Sənədlərdə sürücünün qarpız daşıdığı göstərilib, lakin müayinədən sonra bağlamalarda metamfetamin olduğu məlum olub. Qısaca meth olaraq da bilinən bu maddə güclü və asılılıq yaradan bir stimuldur. Müsadirə eyni sərhəd keçid məntəqəsinin rəsmiləri kərəviz yükündə təxminən 300 kq meth aşkar etdikdən bir həftə sonra baş verib. Narkotiklərin məhsullarda gizlədilməsi qeyri-qanuni maddələri sərhədlərdən keçirməyin ümumi üsuludur. Banan daşımaları ən populyardır, lakin məmurlar bu yaxınlarda Gouda pendiri və avokadoda da narkotik tapıblar.
"CBS News"un məlumatına görə, müsadirə edilən narkotiklərin ümumi dəyəri 6 milyon dollardır.
Bütün xəbərlər Facebook səhifəmizdə
.jpg)
USD
EUR
GBP
RUB