Avropa İttifaqının (Aİ) hava limanlarında maye və gel məhsulların limiti ilə bağlı kabin baqajı qaydaları yenilənib. Müraciət sentyabrın 1-dən etibarən həyata keçiriləcək. SİA xarici KİV-ə istinadən xəbər verir ki, Belçikanın rəsmi agentliyi Belqanın məlumatına görə, sərnişinlər sentyabrın 1-dən etibarən 125 millilitr əvəzinə 100 millilitr maye və gel daşıya biləcəklər.
Sərnişinlər bu maye və gel məhsullarını müvafiq şüşələrə yerləşdirməli və bütün məhsulları maksimum həcmi 1 litr olan şəffaf plastik torbaya qablaşdırmalıdırlar. Dərmanlar və maye körpə formulaları məhdudiyyətdən azad edilsə də, yeni qaydalar Aİ daxilindəki bütün hava limanlarında tətbiq olunacaq.
Avropanın bir çox yerlərində hava limanlarında baqajın içini yoxlayan qurğuların dəyişdirilməsindən sonra Aİ onların etibarlılığına şübhə ilə yanaşdı və bu, qaydaların sərtləşməsinə səbəb oldu. Yeni qurğular köhnələrdən fərqli olaraq maye məhsulları əl yükündən çıxarılmadan yoxlamağa imkan verir. Yeni qaydaların cihazların etibarlılığını təmin edənə qədər qüvvədə olacağı gözlənilir.
Bütün xəbərlər Facebook səhifəmizdə
USD
EUR
GBP
RUB