Ukraynanın Rusiya bölgələrini raket və PUA-larla vurması və daha çox ərazi ələ keçirməsi xəbərindən sonra ABŞ prezidenti Co Bayden bu vəziyyətin Rusiya prezidenti Vladimir Putin üçün əsl çıxılmaz vəziyyətə düşdüyünü açıqlayıb. SİA xarici KİV-ə istinadən xəbər verir ki, transsərhəd əməliyyatı Rusiyanın 2022-ci ildə Ukraynanı işğal etməyə çalışdığı müharibənin gedişatını sürətlə dəyişdirərək, Ukrayna prezidenti Vladimir Zelenskiyə Rusiyanın son aylarda davamlı irəliləyişinə qarşı ilk ərazi uduşunu verdi.
Mövzu ilə bağlı verdiyi ilk təfərrüatlı açıqlamada Bayden ABŞ-ın əməliyyatla bağlı Ukrayna ilə davamlı əlaqədə olduğunu, heç bir şəkildə əməliyyatın planlaşdırılması və hazırlanmasında iştirak etmədiklərini bildirib: "Bu, Putin üçün əsl dalana dirənişdir".
Ukrayna hökuməti ötən həftə minlərlə Ukrayna əsgərinin əməliyyata başladığı Kurskda dünəndən etibarən 74 yaşayış məntəqəsini ələ keçirdiklərini açıqlayıb. Rusiyanın Kursk şəhərinin cənubunda yerləşən Belqorod vilayətində Ukraynanın hücumları səbəbindən fövqəladə vəziyyət elan edilib. Fövqəladə vəziyyət elan edən vilayət qubernatoru Vyaçeslav Qladkov bildirib ki, o, mərkəzi hökumətdən federal fövqəladə vəziyyət elan etməyi xahiş edəcək.
Bütün xəbərlər Facebook səhifəmizdə
USD
EUR
GBP
RUB