Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinin baş komissarı Filip Lazzarini İsrailin son təxliyə qərarından sonra 75 mindən çox fələstinlinin Qəzzanın cənubuna köç etdiyini bildirib.
İsrailin Qəzzanın Xan Yunis şəhərinin şərqindəki fələstinlilərə təxliyə xəbərdarlığından sonra çox sayda qəzzalı şəhərin qərbinə köç edib. SİA bu barədə Türkiyə saytlarına istinad edir.
Filip Lazzarini Xan Yunisin şərqindən qərbinə köç edən fələstinlilərin fotosunu rəsmi internet səhifəsində paylaşaraq "Fələstin xalqının sonsuz kütləvi köçü davam edir" ifadələrini işlədib.
Fələstin xalqının on illərdir bir çox müharibə və qarşıdurmalara şahid olduğunu vurğulayan Filip Lazzarini İsrailin təxliyə qərarından sonra təkcə son günlərdə Qəzzanın cənubunda 75 mindən çox fələstinlinin yurd-yuvalarından didərgin düşdüyünü qeyd edib.
Filip Lazzarini paylaşımında həmçinin bu ifadələrə yer verib:
"Bəziləri yalnız uşaqlarını özləri ilə apararkən, bəziləri bütün həyatlarını kiçik bir çantada daşıyırlar. Ailələrlə dolu sığınacaqlara doğru üz tuturlar. Hər şeylərini itiriblər və hər şeyə ehtiyacları var. Digər müharibələrdən fərqli olaraq, Qəzza xalqının gedəcək heç bir yeri yoxdur''.
Bütün xəbərlər Facebook səhifəmizdə
USD
EUR
GBP
RUB
