...Benyamin Netanyahu rəhbərliyi altındakı İsrail Yaxın Şәrqlә bağlı aqressiv siyasətini davam etdirir. Bir tərəfdən Qəzzada soyqırımını davam etdirir, digər tərəfdən də Livan və İranda sui-qəsdlər həyata keçirərək böyük müharibәnin başlaması üçün sәylәr göstәrir. İran və müttəfiqləri İsrailə cavab verməyə hazırlaşır. Gözlәnildiyi kimi güclü hücum olarsa, bu, regional müharibәnin başlamasına sәbәb ola bilər.
Benyamin Netanyahu rəhbərliyi altındakı İsrail Qəzzada soyqırımı və regional təxribatlarını davam etdirir. İsrail ilk növbәdә Beyrutda ''Hizbullah''ın komandiri Fuad Şükürü, daha sonra isә Tehranda ''Hәmas'' Siyasi Bürosunun başçısı İsmayıl Həniyəni öldürdü. İran prezidenti Mәsud Pezeşkiyanın andiçmə mərasimində iştirak etmək üçün Tehrana sәfәr edәn İsmayıl Haniye Ənsar əl-Mehdi Mühafizə Birlikləri tərəfindən istifadə edilən Besij əl-Zəhra binasında öldürüldü. İran mənbələrinin məlumatına görə, hücum qısa mənzilli raket ilə həyata keçirilib.
İsmayıl Haniyyә Fələstin müqavimətinin siyasi lideri, həyatını Fələstin davasına həsr etmiş mühüm şəxsiyyət idi. Onun ölümü çox tәәssüf doğursa da, Fələstin müqaviməti təbii ki, yaşamağa davam edəcək. Ölümlәr və itkilər müqavimətin əzmini artırmaqdan başqa heç nəyə xidmət etməyəcək.
İsrailin bu aqressiv hərəkəti, şübhəsiz ki, Ağ Evdəki hakimiyyət boşluğundan irəli gəlir. Bu, İranı və müttəfiqlərini hərəkətə keçmәlәri üçün küncә sıxışdıran bir oyundur. Əgər İran buna lazımi cavabı verə bilməsə, dövlət namusunun zədələndiyi bir vəziyyətlə üzləşəcək. Ona görə də əks şәkildә hərəkət edəcəkləri ehtimal edilir. İranın yüksәk vәzifәli şәxslәri vә hərbi rəsmiləri İsrailə ciddi və sərt cavab veriləcəyini bəyan ediblər. ''Hizbullah''ın baş katibi Nəsrullahın son çıxışında da oxşar ifadələr var. Nәsrullah çıxışında bu ifadәlәrә yer verib: ‘‘Hamı bilir ki, biz indi yeni mərhələyə qədəm qoyduq”.
Təbii ki, İranın keçmişi, ritorikası vә addım atmaqda tərəddüd etməsi insanların''görәsәn?'' sualını verməsinә sәbәb olur. Lakin bu dəfə İran və müttəfiqlərinin başqa çıxış yolu olduğunu düşünmürəm. İş o yerə çatıb ki, İran dövlət namusunu qorumaqla yanaşı, hәdәfә çevrilmәkdәn ancaq əks-hücuma keçәrәk vә meydanda gücünü nümayiş etdirәrәk qaça bilәr.
Bölgәdәki proseslәr lazımi hazırlıqlar görüldükdən sonra, İsrailin hәdәf alınacağını göstərir. İsrail İran, Livandakı ''Hizbullah'', İraq və Suriyadakı şiə milislər ilә Yəməndəki husilәr tәrәfindәn eyni anda raket və kamikadze dronlarla hәdәf alına bilәr.
İsrailin də böyük hücuma hazırlaşdığı müşahidә olunur. Xüsusilә ''Hizbullah''ın mümkün raket vә PUA hücumlarına qarşı şimal cəbhəsində yeni hava hücumundan müdafiə sistemləri quraşdırılır vә sığınacaqlar hazırlanır. Qeyd etmәliyik ki, ABŞ həm İsraili müdafiə etmək, həm də qarşı tərəfi çəkindirmək üçün bölgəyə hərbi qüvvələr göndərməyə davam edir.
Netanyahunun məqsədi ABŞ-ı birbaşa müharibəyə cəlb etməkdir. Lakin bu addım Rusiya-Ukrayna müharibәsinin taleyini Rusiyanın xeyrinə dəyişəcək və Çin üçün yeni geosiyasi imkanlar yaradacaq. Əlbəttə, qarşımızda bir çox fərziyyələrə əsaslanan müxtəlif ssenarilər var, lakin yaşanan proseslәr idarə olunan hərbi əməliyyatlardan və münaqişələrdən xaotik bir nöqtəyə doğru inkişaf edir.
Bütün xəbərlər Facebook səhifəmizdə
.jpg)
USD
EUR
GBP
RUB
