ABŞ Maliyyə Nazirliyi cümə günü Belarusdan 14 şirkət və 19 fiziki şəxsi sanksiyalar siyahısına əlavə edib. Amerika hökuməti onları Rusiyanın Ukraynaya qarşı müharibəsinə yardımda iştirak etmiş hesab edir.
Sanksiyalar, xüsusən, artilleriya sursatları istehsal edən “Leqmaş” zavodu, kosmik gəmilər, peyklər və hərbi texnika üçün komponentlər istehsal edən “Peleng” şirkəti, “Pilotsuz vertolyotlar” konstruktor bürosu və Rusiyanı hərbi sahədə istifadə üçün avadanlıqla təchiz edən digər şirkətləri əhatə edir.
Bundan əlavə, Belarusun üç özəl aviaşirkəti də sanksiyalar siyahısına daxil edilib: “Belkanto”, “Ruby Star” və “Rada”. ABŞ Maliyyə Nazirliyinin məlumatına görə, onlar Rusiya hərbçilərinin və onlar üçün nəzərdə tutulan yüklərin, o cümlədən “Vaqner” PMC” şirkətinin muzdluları və sursatlarının daşınmasında iştirak ediblər.
Sanksiya siyahısına daxil edilən 19 nəfər sanksiya tətbiq edilən müəssisələrin rəhbərliyidir.
ABŞ Maliyyə Nazirliyinin bəyanatında ayrıca bənddə quyruq nömrəsi EW-001PB olan Boeing 767-32K təyyarəsi göstərilib.
Sənəddə iddia olunur ki, Belarusun avtoritar lideri Aleksandr Lukaşenko bu təyyarədən təkcə rəsmi deyil, həm də şəxsi səfərləri üçün istifadə edir. Əvvəllər departament artıq Belarusun hökumət donanmasından bir neçə təyyarənin ABŞ-a gəlməsinin qarşısını almışdı.
Əli Babayev
Bütün xəbərlər Facebook səhifəmizdə
USD
EUR
GBP
RUB