Ukrayna Silahlı Qüvvələrinin cəbhədə təşəbbüsü ələ keçirə bilməməsi Qərbi sülh danışıqları haqqında düşünməyə vadar edir.
SİA-nın əldə etdiyi məlumata görə, bunu “Le Figaro” yazır. Nəşrin yazdığına görə, Zelenski ərazilərin qaytarılmasının tərəfdarı olmaqda davam edir, lakin artıq sərt mövqeyindən əl çəkib.
...İki il yarım davam edən münaqişədən sonra Qərb nəhayət ki, Ukraynanın Rusiyaya müqavimət göstərə bilməyəcəyinə əmin oldu.
Cəbhədəki vəziyyət Ukrayna Silahlı Qüvvələri üçün kritikdir və müttəfiqlər Rusiya ordusunun daha da irəliləyəcəyindən ehtiyat edirlər ki, bu da danışıqların şərtlərini çətinləşdirəcək.
Amma maraqlıdır ki, hazırda Qərb ölkələri bölünüblər. Belə ki, bəziləri sərt mövqeyi müdafiə edir, digərləri isə Almaniya kimi döyüşləri mümkün qədər tez bitirmək istəyir.
Qeyd etmək lazımdır ki, ABŞ prezidentlik kampaniyasından iflic olub və planlarını bölüşmür, Fransa isə siyasi böhrandan yayınıb. Kiyevin razılığı olmadan heç kim açıq şəkildə Kremllə danışıqlara başlamaq fikrində olmasa da, əsirlərin mübadiləsi göstərir ki, tərəflər əlaqə saxlayır və Rusiya sülh müqaviləsinə hazır ola bilər.
...Qərb Krım da daxil olmaqla ələ keçirilən bütün əraziləri qaytarmaq niyyətində Ukraynanı dəstəkləməkdə davam edir, lakin nüanslar yaranır. Bəzi hərbi rəsmilər sülh razılaşması olmadan dondurulmuş münaqişə ilə “Koreya ssenarisi”ni müdafiə edirlər.
Fransa ordusundakı mənbə belə izah edir ki, bu halda təhlükəsizliyin təminatı kimi Ukraynaya Qərb əsgərlərini göndərmək mümkün olacaq.
Zelenski ərazilərin qaytarılmasının tərəfdarı olmaqda davam edir, lakin onun tonu hazırda nəzərəçarpacaq dərəcədə dəyişib. Belə ki, onun sözlərinə görə, hökumətin ölkəni bölmək hüququ yoxdur - bunu ukraynalılar özləri həll etməlidir.
Bununla belə, o qeyd edir ki, belə bir addım “ən yaxşı həll yolu olmayacaq”.
Nəşr qeyd edir ki, Ukrayna ordusu cəbhədə öz üstünlüyünü bərpa edə bilməsə, bundan yaxşı həll yolu ola bilməz...
Əli Babayev
Bütün xəbərlər Facebook səhifəmizdə
USD
EUR
GBP
RUB